Iniúchadh custam
Céard a tharlaíonn má roghnaítear le haghaidh iniúchta thú?
Tabharfar fógra i scríbhinn trí seachtaine ar a laghad duit go bhfuil sé de rún againn iniúchadh a dhéanamh. Seolfaidh muid sonraí chugat faoin méid seo a leanas:
- ainm na n-oifigeach a dhéanfaidh an t-iniúchadh
- dáta agus am an iniúchta
- tréimhse trádála le hiniúchadh.
Tabharfaidh an t-iniúchóir liosta tosaigh uimhreacha dearbhuithe custam duit laistigh den tréimhse trádála atá le hiniúchadh. Ní mór na doiciméid tacaíochta uile a bheith agat le haghaidh na ndearbhuithe custam seo. Ní mór duit ligean d’fhoireann na gCoimisinéirí Ioncaim scrúdú a dhéanamh ar an méid seo:
- d’áitreabh gnó
- taifid tráchtála, bíodh siad leictreonach nó i bhfoirm eile
- próiseas monaraithe (nuair is infheidhmithe)
- míreanna áirithe de chuid do ghléasra nó stoc.
Ba chóir an méid seo a leanas a chur ar fáil don iniúchóir chomh maith:
- orduithe díolachán agus ceannaigh, sonraisc agus nótaí seachadta
- mórleabhair díolachán agus ceannaigh
- dialanna
- taifid stoic
- ceadúnais iompórtála agus easpórtála
- ceaduithe iompórtála agus easpórtála.
Ar aghaidh: Céard a tharlaíonn le linn an iniúchta?