Baile   Trádálaithe agus gníomhairí custam   Customs for individuals   Eolas custaim i leith taisteal agus liúntais saor ó dhleacht  

Taisteal ó thaobh amuigh den AE

  1. Léargas ginearálta
  2. Rialacha maidir le hearraí saor ó dhleacht
  3. Liúntais saor ó dhleacht
  4. An chaoi a ríomhtar cé mhéid atá le híoc agat
  5. Earraí toirmiscthe nó srianta i mbagáiste
  6. Rialuithe Custam ar theacht isteach ag aerfort nó calafort

An chaoi a ríomhtar cé mhéid atá le híoc agat

Dleacht Custam

De gnáth, is céatadán de luach an earra é an Dleacht Custam. Féadtar na rátaí a fháil sa bunachar sonraí TARIC.

Ráta caighdeánach Dleachta Custam

D'fhéadfadh sé gur féidir leas a bhaint as ráta caighdeánach 2.5% Dleacht Chustaim. Is féidir an ráta caighdeánach seo a chur i bhfeidhm ar earraí neamhthráchtála ar luach €700 nó níos lú in aghaidh an duine.  Le deimhniú go bhfuil an luach níos mó ná €700, eisiatar an méid seo a leanas:

  • an liúntas (€430 nó €215)
  • agus
  • luach na n-earraí nach bhfuil faoi réir Dleacht Custam.

Ní bhaineann an ráta caighdeánach le hearraí tráchtála ná le táirgí tobac.

Féadann daoine aonair na hearraí a imréiteach ag an ráta taraife seachas an ráta caighdeánach.

Dleacht Máil

Chomh maith le Dleacht Custam, gearrtar Dleacht Máil ar tháirgí alcóil agus tobac.

Cáin Bhreisluacha (CBL)

Tá CBL iníoctha ar iompórtálacha ag an ráta a fheidhmeofaí dá gceannófaí an t-earra in Éirinn. Is é luach na n-earraí chun an CBL a ríomh ná a luach chun críocha custam, méadaithe faoin méid de chuid aon dleachtanna eile a bhaineann leis.

Baineann rátaí CBL éagsúla le cineálacha éagsúla earraí.

Dleacht Custam agus CBL a ríomh i leith iompórtálacha neamhthráchtála i mbagáiste duine aonair

Tabhair do d'aire nach bhfuil iontu seo ach samplaí den chaoi a ríomhtar dleacht. Athraíonn rátaí dleachta ó am go ham.

  • Sampla 1

    Ráta iomlán dleachta, móide CBL:

    Gúna mná cadáis a chosnaíonn €800 (dleacht 12%).

    (Ní bhaineann an ráta caighdeánach leis mar gheall go sáraíonn luach na n-earraí €700).

    An luach chun críche Dleachta Custam = €800.

    Dleacht Custam ag 12% = €96.

    An luach chun críche CBL ná €896, is é sin, €800 + €96.

    CBL ag 23% = €206.08.

    Dleacht iomlán (€96), móide CBL (€206.08) = €302.08.

  • Sampla 2

    Ráta caighdeánach dleachta, móide CBL:

    Earraí iompórtáilte:

    Costas €400 (dleacht 12%) ar ghúna mná cadáis, €500 (dleacht 0%) ar cheamara digiteach agus costas iomlán €600 (dleacht 12%) ar dheich léine fir cadáis.

    Tá luach an ghúna níos lú ná €430 agus mar sin, tá sé laistigh den liúntas saor ó dhleacht.

    Mar gheall go bhfuil dleacht 0% ar an gceamara digiteach, ní áirítear é le haghaidh na Dleachta Custam.

    Baineann an ráta caighdeánach dleachta 2.5% leis na léinte toisc nach sáraíonn a luach €700.

    Dá bhrí sin, €600 @ 2.5% = Dleacht Custam€15.

    CBL:

    Tá an gúna ceadaithe faoin liúntas saor ó dhleacht.

    Is é luach in éineacht an cheamara (€500) agus na léinte (€600), móide Dleacht Custam €15, is é sin €1,115, an luach chun críche CBL.

    Mar sin, €1,115 @ 23% = CBL €256.45.

    Is é an méid iomlán dlite ná €15 Dleacht Custam + €256.45 CBL = €271.45.

Ar aghaidh: Earraí toirmiscthe nó srianta i mbagáiste

Leathanach baile Ar ais go barr