Cáin ar Iontaobhas Lánroghnach (CIL)

Muirear Bliantúil 1%

Gearrtar muirear bliantúil 1% ar luach margaidh maoine atá á choinneáil in iontaobhas lánroghnach an 31 Nollaig gach bliain.

Go ginearálta, tagann an chéad mhuirear bliantúil 1% chun cinn sa bhliain tar éis na bliana ina dtagann an muirear 6% chun cinn.

  • Sampla 

    Rinne uacht Mháire foráil go gcruthófaí iontaobhas lánroghnach ar a bás. Tá beirt thairbhithe (ábhair) ag an iontabhais, mac Mháire, David agus a hiníon, Ciara. Ní príomhchuspóirí iad David agus Ciara chun críocha na Cánach ar Iontaobhais Lánroghnaigh.

    Fuair Máire bás ar an 5 Lúnasa 2024, agus bhí dhá mhaoin tráchtála ina heastát. Tháinig na maoine faoi réir an iontaobhais lánroghnaigh ar dháta báis Mháire. Ar dháta báis Mháire, bhí David 45 bliain d'aois agus Ciara 42 bliain d'aois.

    Chun críocha an mhuirir tosaigh 6%, is é an dáta is deanaí an 5 Lúnasa 2024, dáta báis Mháire. Tagann an iontaobhas faoi dhliteanas an mhuirir tosaigh 6% ar an 5 Lúnasa 2024.

    Ós rud é gur tháinig an muirear tosaigh chun cinn le linn 2024, níl an iontaobhas faoi dhliteanas an mhuirir bliantúil 1% ar an 31 Nollaig 2024. Tá an t-iontaobhas faoi dhliteanas an mhuirir bhliantúil 1% ar an 31 Nollaig 2025 agus in aon bhliain ina dhiaidh sin ina bhfuil maoin faoi réir an iontaobhais lánroghnaigh.

Cén uair le híoc agus tíolacadh

Tá an muirear bliantúil 1% iníoctha taobh istigh de cheithre mhí ón dáta luachála.

Is é an dáta luachála ná an 31 Nollaig de ghnáth.

Ní mór don iontaobhaí/do na hiontabhaithe Foirm IT32  féinmheasúnaithe a chomhlánú agus é a sheoladh chuig na Coimisinéirí Ioncaim leis an gcáin atá dlite gach bliain.

Tá formhuirear i gceist má thíolactar an Fhoirm IT32 go déanach agus gearrtar ús ar íocaíochtaí déanacha.

Ar aghaidh: Díolúintí ó Cháin ar Iontaobhas Lánroghnach (CIL)

Foilsithe: 05 Samhain 2024 Priontáil an leathanach seo

Siar chuig leathanach baile Ar ais go barr