Cáin ar Iontaobhas Lánroghnach (CIL)

Muirear tosaigh aonuaire 6%

Tagann iontaobhas lánroghnach faoi dhliteanas an mhuirir tosaigh aonuaire 6% ar an dáta is déanaí de na dátaí seo a leanas:

• 25 Eanáir 1984
• an dáta a thagann an mhaoin de bheith faoi réir an iontaobhais lánroghnaigh
• dáta báis an diúscróra
• nó
• sa chás go bhfuil príomhdhaoine is ábhar an iontaobhais, an dáta a bhaineann an príomhdhuine is óige arb ábhar an iontaobhais é/í:
  
  
  • 25 bliana d'aois amach, sa chás gur tháinig an mhaoin de bheith faoi réir an iontaobhais idir an 25 Eanáir 1984 agus an 31 Eanáir 1993
  • nó
  • 21 bliain d'aois amach, sa chás gur tháinig an mhaoin nó go dtagann sí de bheith faoi réir an iontaobhais ar an 31 Eanáir 1993 nó dá éis.

Is iad na príomhdhaoine is ábhar ná:

• céile nó páirtnéir sibhialta an diúscróra
• leanaí de chuid an diúscróra, nó páirtnéir sibhialta an diúscróra
• leanaí de chuid an linbh de chuid an diúscróra, ar leanbh é a fuair bás roimhe.
• leanaí de chuid an linbh de chuid an pháirtnéara shibhialta de chuid an diúscróra, ar leanbh é a fuair bás roimh an diúscróir
• leanaí de chuid an pháirtnéara shibhialta de chuid an linbh de chuid an diúscróra, ar leanbh é a fuair bás roimh an diúscróir
• nó
• leanaí de chuid an pháirtnéara shibhialta de chuid an linbh de chuid an pháirtnéara shibhialta de chuid an diúscróra, ar leanbh é a fuair bás roimh an diúscróir.

Féadfar leanaí a ainmniú mar thairbhithe an iontaobhais amach anseo.

Tabhair do d'aire

Sa chás go gcruthaítear iontaobhas lánroghnach le huacht, déileáiltear leis an maoin mar mhaoin atá faoi réir an iontaobhais ar dháta báis an diúscróra. 

Laghdú ar an muirear 6%

Laghdaítear an muirear 6% go 3% sa chás:

• Go ndéantar maoin uile an iontaobhais a cheapadh amach as an iontaobhas
• Ar thairbhí amháin nó níos mó (ábhar) don iontaobhas
• Laistigh de 5 bliana ón dáta a thagann an muirear 6% chun cinn.

Cén chaoi a n-éilíonn tú aisíocaíocht i leith an mhuirir tosaigh laghdaithe?

Chun aisíocaíocht de leath den Cháin ar Iontaobhas Lánroghnach (CIL) tosaigh 6% a íocadh a iarraidh, ba chóir duit d'iarratas a sheoladh trí M'Fhiosruithe nó mar rogha air sin chuig an seoladh poist seo a leanas:

Na Coimisinéirí Ioncaim

An tAonad Cánach Fáltas Caipitiúil

Bloc F

Ionad Gnó Bhaile Átha Í

Bóthar Chaisleán an Chomair

Baile Átha Í

Co. Chill Dara

R14 FE81

Ba chóir an t-eolas seo a leanas a thíolacadh le d'iarratas:

• Deimhniú maidir leis an dáta a ceapadh sócmhainní uile an iontaobhais ar thairbhithe an iontaobhais.
• Cóip den ghníomhas ceapacháin, nuair atá sé ar fáil.
• IBAN chuntas bainc an iontaobhais.
• BIC chuntas bainc an iontaobhais.

Más mian leat go n-íocfaí an aisíocaíocht isteach i gcuntas bainc eile, tá treoir shínithe ó na hiontaobhaithe ag teastáil.

Cén uair le híoc agus tíolacadh

Tá an muirear tosaigh 6% iníoctha taobh istigh de cheithre mhí ón dáta luachála cuí. Ní mór don iontaobhaí nó do na hiontaobhaithe foirm féinmheasúnaithe Foirm IT4  don Cháin ar Iontaobhas Lánroghnach (CIL) 6%  a chomhlánú agus í a sheoladh chuig na Coimisinéirí Ioncam leis an gcáin dhlite.

Tá formhuirear i gceist má thíolactar an Fhoirm IT4 go déanach agus gearrtar ús ar íocaíochtaí déanacha.

Ar aghaidh: Muirear Bliantúil 1%