Éire a fhágáil
Éire a fhágáil go buan
D'fhéadfá a bheith ag dul chun cónaí thar lear go buan nó ar feadh tréimhse fada ama. Mar thoradh air sin, féadfaidh sé go mbeidh tú neamhchónaitheach chun críocha cánach Éireannach.
Molaimid duit do shonraí teagmhála a thabhairt cothrom le dáta ar moChúrsaí, más fostaí thú nó a mhalairt trí Sheirbhís ar Líne na gCoimisinéirí Ioncaim (ROS).
Chun do shonraí teagmhála a athrú ar moChúrsaí, ba chóir duit:
- Logáil isteach ar moChúrsaí.
- Cliceáil ar ‘Mo Shonraí’ faoi ‘Mo Phróifíl’.
- Cliceáil ar 'Cuir in Eagar’ sa rannán 'Sonraí teagmhála' den leathanach.
- Cliceáil 'Níl mo sheoladh i bPoblacht na hÉireann'.
- Cuir isteach do shonraí nua agus cliceáil ‘sábháil na hathruithe’.
- cuir isteach do phasfhocal le haghaidh moChúrsaí agus cliceáil ‘Tíolaic‘.
Chun do shonraí teagmhála a athrú ar ROS, ba chóir duit:
- Logáil isteach ar ROS.
- Cliceáil ar 'Próifíl'.
- Cliceáil 'Nuashonraigh Seoladh Oifigiúil nó Gnó' ag bun an leathanaigh.
- Cliceáil 'Níl mo sheoladh i bPoblacht na hÉireann'.
- Cuir isteach do shonraí nua agus cliceáil ‘sábháil’.
- Cuir isteach do phasfhocal le haghaidh ROS agus cliceáil ‘Sínigh agus Tíolaic‘.
Más duine neamhchónaitheach in Éirinn thú, iarrtar ort cáin Éireannach a íoc ar aon ioncam ó fhoinse Éireannach. Mar shampla, má ligeann tú maoin Éireannach ar cíos le linn duit a bheith thar lear, tá tú inmhuirir i leith cáin Éireannach ar an ioncam seo.
Má tá tú ag obair thar lear do Rialtas na hÉireann, ba chóir duit cáin Éireannach a íoc ar an ioncam sin. Baineann sé seo leat is cuma do stádas cónaitheachta cánach nó cén áit a gcuireann tú dualgais d’oifige nó fostaíochta i gcrích. Áirítear leis sin poist státseirbhíseach, Gardaí agus comhaltaí d’Óglaigh na hÉireann ag obair thar lear.
Ordú Eisiaimh Íoc Mar a Thuillir (ÍMAT)
Má tá tú ag obair thar lear d'fhostóir Éireannach, féadfaidh sé go bhfuil tú díolmhaithe ó cháin Éireannach. Féach ar Céard is Ordú Eisiaimh ÍMAT ann? le seiceáil má tá tú incháilithe.
Ar aghaidh: Dul ar scor agus bogadh thar lear