Creidmheas Cánach i leith Ús ar Mhorgáiste

Cé mhéad a fhéadtar a éileamh?

Laghdaíonn an Creidmheas Cánach i leith Ús ar Mhorgáiste do dhliteanas Cánach Ioncaim le haghaidh na mblianta cánach 2023, 2024, 2025 agus 2026.

Ní mór dliteanas Cánach Ioncaim a bheith agat le fritháireamh a dhéanamh ina aghaidh chun leas a bhaint as an gCreidmheas Cánach i leith Ús Morgáiste. Ní thugann an creidmheas faoiseamh in aghaidh an Mhuirir Shóisialaigh Uilíoch (MSU) ná Árachas Sóisialach Pá-Choibhneasa (ÁSPC).

Ní bheidh tú in ann an creidmheas a úsáid go hiomlán má sháraíonn an creidmheas dlite do dhliteanas Cánach Ioncaim. Mar sin féin, is féidir leat aisíocaíocht pháirteach a fháil. Beidh an aisíocaíocht seo cothrom leis an dliteanas iomlán Cánach Ioncaim don bhliain.

Deonaítear faoiseamh cánach ag 20%. Le haghaidh 2023 go 2025, is é an t-uasmhéid a fhéadtar a aisíoc sa bhliain ón gCreidmheas Cánach i leith Ús ar Mhorgáiste ná €1,250 in aghaidh na háite cónaithe. Don bhliain 2026, is é €625 in aghaidh an chónaithe an t-uasmhéid a fhéadtar a aisíoc leat ón gCreidmheas Cánach i leith Ús ar Mhorgáiste.

  • Sampla 1

    Tá iasacht cháilitheach ag Seán ar mhaoin. Ar an 31 Nollaig 2022, bhí iarmhéid morgáiste amuigh de €200,000 ag Seán. Bhí iasacht Sheáin i bhfeidhm do 2022 agus 2023 ar fad. In 2023, d'íoc Seán €12,000 ús ar a iasacht cháilitheach. In 2022, d'íoc Seán €9,000 ús ar a iasacht cháilitheach.

    Creidmheas Cánach i leith Ús ar Mhorgáiste Sheáin
    Ús íoctha Sheáin 2023 (A) €12,000
    Ús íoctha Sheáin 2022 (B) €9,000
    A-B €3,000

    Cáin i leith Ús ar Mhorgáiste

    Creidmheas dlite ag 20%

    		 €600
  • Sampla 2

    Tá iasacht cháilitheach ag Máire ar mhaoin. Ar an 31 Nollaig 2022, bhí iarmhéid morgáiste amuigh de €250,000 ag Máire. Bhí iasacht Mháire i bhfeidhm do 2022 agus 2026 ar fad. In 2025 agus 2026 araon, d'íoc Máire ús de €14,000 ar a hiasacht cháilitheach do gach tréimhse 12 mhí. In 2022, d'íoc Máire ús de €10,000 ar a hiasacht cháilitheach.

    Creidmheas Cánach i leith Ús ar Mhorgáiste Mháire
    2025 2026
     Ús íoctha ag Máire 2025 (A) €14,000  Ús íoctha ag Máire 2026 (A) €14,000
    Ús íoctha ag Máire 2022 (B) €10,000  Ús íoctha ag Máire 2022 (B) €10,000
    (A-B) €4,000 (A-B) × 50% €2,000

    Cáin i leith Ús ar Mhorgáiste

    Creidmheas dlite ag 20%

    		 €800

    Cáin i leith Ús ar Mhorgáiste

    Creidmheas dlite ag 20%

    		 €400

Ríomhfaidh córais na gCoimisinéirí Ioncaim an faoiseamh atá dlite duit nuair a bheidh an fhaisnéis riachtanach curtha isteach agat.

Ar aghaidh: Ús íoctha ar feadh níos lú ná bliain iomlán

Foilsithe: 12 Bealtaine 2026 Priontáil an leathanach seo

Siar chuig leathanach baile Ar ais go barr