Creidmheas Cánach i leith Ús ar Mhorgáiste
Cé mhéad a fhéadtar a éileamh?
Laghdaíonn an Creidmheas Cánach i leith Ús ar Mhorgáiste an méid Cánach Ioncaim atá ort a íoc in 2023.
Ní mór dliteanas Cánach Ioncaim a bheith agat le fritháireamh a dhéanamh ina aghaidh chun leas a bhaint as an gCreidmheas Cánach i leith Ús Morgáiste. Ní thugann an creidmheas faoiseamh in aghaidh an Mhuirir Shóisialaigh Uilíoch (MSU) ná Árachas Sóisialach Pá-Choibhneasa (ÁSPC).
Ní bheidh tú in ann an creidmheas a úsáid go hiomlán má sháraíonn an creidmheas dlite do dhliteanas Cánach Ioncaim. Mar sin féin, is féidir leat aisíocaíocht pháirteach a fháil. Beidh an aisíocaíocht seo cothrom leis an dliteanas iomlán Cánach Ioncaim don bhliain.
Deonaítear faoiseamh cánach ag 20%. Is é an t-uasmhéid a fhéadtar a aisíoc ón gCreidmheas Cánach i leith Ús ar Mhorgáiste ná €1,250 in aghaidh na háite cónaithe.
Sampla
Tá iasacht cháilitheach ag Seán ar mhaoin. Ar an 31 Nollaig 2022, bhí iarmhéid morgáiste amuigh de €200,000 ag Seán. Bhí iasacht Sheáin i bhfeidhm do 2022 agus 2023 ar fad. In 2023, d'íoc Seán €12,000 ús ar a iasacht cháilitheach. In 2022, d'íoc Seán €9,000 ús ar a iasacht cháilitheach.
|
Creidmheas Cánach i leith Ús ar Mhorgáiste Sheáin
|
|
Ús íoctha Sheáin 2023 (A)
|
€12,000
|
|
Ús íoctha Sheáin 2022 (B)
|
€9,000
|
|
A-B
|
€3,000
|
|
Cáin i leith Ús ar Mhorgáiste
Creidmheas dlite ag 20%
|
€600
|
Ríomhfaidh córais na gCoimisinéirí Ioncaim an faoiseamh atá dlite duit nuair a bheidh an fhaisnéis riachtanach curtha isteach agat.
Ar aghaidh: Ús íoctha ar feadh níos lú ná bliain iomlán