Creidmheas Cánach Cíosa
Tuilleadh coinníollacha ina n-úsáideann do leanbh an mhaoin
Féadfaidh sé go bhfuil tuismitheoirí a íocann cíos thar ceann a linbh i dteideal an Creidmheas Cánach Cíosa a éileamh.
Chomh maith leis na coinníollacha atá leagtha amach ar an leathanach 'Coinníollacha cáilitheacha do gach éilitheoir, ní mór na coinníollacha thíos a shásamh.
Tabhair do d'aire
Fógraíodh i mBuiséad 2024 go bhfuil socruithe de chineál 'seomra ar cíos' nó 'lóistín' incháilithe anois don Chreidmheas Cánach Cíosa. Tá feidhm aige seo sa chás go bhfuil tuismitheoirí ag íoc cíosa dá leanbh. Baineann an t-athrú seo le héilimh do na blianta 2022-2025.
Úsáid na maoine
Ní mór do mhaoin a bheith úsáidte ag do leanbh go sonrach chun a bhfreastal ar chúrsa ceadaithe a éascú.
Tá an míniú céanna ag cúrsa ceadaithe don chreidmheas seo agus atá le faoiseamh cánach do tháillí teagaisc tríú leibhéal. Féach na Coláistí agus cúrsaí faofa chun a sheiceáil an gcáilíonn cúrsa do linbh don Chreidmheas Cánach Cíosa. Ní mór an mhaoin lena mbaineann a bheith ina maoin chónaithe atá lonnaithe sa Stát freisin.
Ní mór don mhaoin a bheith mar phríomháit chónaithe phríobháideach an linbh le linn am téarma. Féadtar an Creidmheas Cánach Cíosa a éileamh fós má fhilleann do leanbh ar theach an teaghlaigh lasmuigh d'am téarma. Féadfaidh sé go n-áireofaí leis seo:
- deireadh seachtaine
- nó
- uaireanta eile taobh amuigh de théarmaí seimeastair.
- Sampla 1
Freastalaíonn Seosamh ar chúrsa ceadaithe i Maigh Nuad agus tá cónaí air i lóistín ar cíos in éineacht le beirt dá chomhscoláirí. Íocann tuismitheoirí Seosamh gach costas cíosa as an lóistín seo.
Uair sa mhí, filleann Seosamh ar theach an teaghlaigh i gContae Chill Chainnigh don deireadh seachtaine. Faoi réir gach coinníoll eile a bheith comhlíonta, beidh tuismitheoirí Sheosaimh incháilithe don Chreidmheas Cánach Cíosa sa chás seo.
Caidreamh leis an tiarna talún
Níl an Creidmheas Cánach Cíosa ar fáil más daoine gaolta thú féin nó do leanbh agus an tiarna talún ar bhealach ar bith. Ciallaíonn sé seo nach féidir leat an Creidmheas Cánach Cíosa a éileamh má tá aon chaidreamh teaghlaigh idir na páirtithe. Áirítear leis seo caidrimh ar nós:
- tuismitheoir agus leanbh
- seantuismitheoir agus garpháiste
- siblín
- nó
- aintín nó uncail agus neacht nó nia.
Aois an linbh
Ní mór go raibh an leanbh faoi bhun 23 bliain d'aois ag tús na bliana cánach inar chuir sé nó sí tús le cúrsa ceadaithe den chéad uair le go bhfeidhmeofar an Creidmheas Cánach Cíosa.
- Sampla 2
Bhí 21 bliain bainte amach ag Máire ar an 18 Feabhra 2020 agus chuir sí tús le cúrsa ceadaithe trí bliana i Meán Fómhair 2020. Le linn tréimhse an chúrsa seo, bhí Máire ina cónaí i gcóiríócht ar cíos a bhí íoctha ag a tuismitheoirí.
Faoi réir gach coinníoll eile a bheith comhlíonta, beidh tuismitheoirí Mháire i dteideal an Creidmheas Cánach Cíosa a éileamh. Beidh an creidmheas ar fáil mar sin cé go mbeidh 23 bliain bainte amach ag Máire sula gcríochnaíonn sí a cúrsa.
Le haghaidh samplaí breise chun na coinníollacha a mhíniú, féach an doiciméad dar teideal Creidmheas Cánach Cíosa.
Ar aghaidh: Cé mhéad a fhéadtar a éileamh?