Céard is Cáin Bhreisluacha (CBL) ann?
Léargas ginearálta
Is cáin í Cáin Bhreisluacha (CBL) atá iníoctha ar sholáthar nó ar iompórtáil earraí agus ar sholáthar seirbhísí laistigh de chríocha Bhallstáit an Aontais Eorpaigh (AE). Tá an cháin, i ngach cás, iníoctha ar deireadh ag tomhaltóir deiridh an earra nó na seirbhíse. Gníomhaíonn gach páirtí i slabhra an tsoláthair (monaróir, mórdhíoltóir, miondíoltóir) mar bhailitheoir CBL.
Bailíonn siad CBL óna gcustaiméir féin agus cuireann siad an CBL sin san áireamh ar a dtuairisceán CBL chuig na Coimisinéirí Ioncaim. Agus an CBL a bailíodh á thuairisciú, féadfaidh siad CBL a éileamh ar ais de réir mar is cuí, ar CBL é ghearr a gcuid soláthraithe orthu.
Chun críocha CBL, cuimsíonn críocha an Stáit a fharraigí teorann. Síneann farraige teorann an Stáit go teorainn de 12 mhuirmhíle.
Mínítear sa rannán seo:
- céard is daoine incháinithe agus daoine cuntasacha ann
- díolúine ó CBL
- frithmhuirear (féinchuntasaíocht)
- gníomhaíochtaí cáilitheacha
- agus
- calaois CBL.
Ar aghaidh: Céard is daoine incháinithe agus daoine cuntasacha ann?