Cáin Charbóin ar Ghás Nádúrtha (CCGN)

Ráta cánach

Leasaíodh an reachtaíocht maidir le ráta CCGN san Acht Airgeadais, 2020. Ón 1 Bealtaine 2021 cuirtear an ráta CCGN in iúl i reachtaíocht mar Luach Calrach Comhlán (LCC). Ón dáta sin, ní gá a thuilleadh comhshó ón ráta Glanluach Calrach (GLC) go ráta Luach Calrach Comhlán (LCC) do thuairisceáin CCGN chuig na Coimisinéirí Ioncaim.

  • Ón 1 Bealtaine 2025 ar aghaidh, tá ráta €11.48 in aghaidh an MWh ag LCC i bhfeidhm. Tá an méadú seo bunaithe ar an méid a ghearrtar in aghaidh an tonna de dhé-ocsaíd charbóin (CO2) a astaítear ag méadú ó €56.00 go €63.50.
  • Roimhe seo, ón 1 Bealtaine 2024 go dtí an 30 Aibreán 2025, bhíodh ráta €10.13 ag LCC (€11.23 ag GLC) in aghaidh na huaire meigeavata i bhfeidhm. Tá an ráta seo bunaithe ar mhuirear carbóin €56.00 an tonna CO2 a astaítear nuair a dhóitear an gás nádúrtha.

Tugtar achoimre sa tábla thíos ar na rátaí CCGN reatha agus na rátaí a bhí ann roimhe seo. Áirítear sa tábla chomh maith fachtóirí tiontaithe a úsáidtear le tiontú ó LCC go dtí GLC.

Rátaí reatha agus roimhe seo maidir le Cáin Charbóin ar Ghás Nádúrtha
Ráta éifeachtach ó Fachtóir Tiontaithe Ráta LCC go GCL Soláthar arna Thomhas ag CCGN in aghaidh an MWh 
01/05/2024 go dtí an 30/04/2025  0.9017 LCC €10.13
GLC €11.23
01/05/2025  0.9017 LCC €11.48
GLC €12.73
Ríomh ráta reatha CCGN (Luach Calrach Comhlán an Uair Meigeavata)

55,738 (a) * 0.003246 (b) * €0.0635 (c) = €11.48

a

Fachtóir astaithe gáis nádúrtha i gcileagraim CO2 an teirigiúl

b

Líon na dteirigiúl an uair meigeavata

c

Muirear Carbóin de 6.35 cent an cileagram CO2 astaithe

Tiontú ó ráta LCC go dtí an ráta GLC

€11.48 (d) / 0.9017 (e) = €12.73

d

ráta i luach calrach comhlán

e

Fachtóir Tiontaithe

Ar aghaidh: Gás nádúrtha a sholáthraítear le húsáid mar bhreosla i mótarfheithicil