Cáin Charbóin ar Bhreosla Soladach (CCBS)

Léargas ginearálta

Gearrtar Cáin Charbóin ar Bhreosla Soladach (CCBS) ar ghual, brícíní móna, móin mheilte agus móin eile a sholáthraítear sa Stát ar an 1 Bealtaine 2013 nó dá éis. Níl adhmad ná táirgí adhmaid nach bhfuil aon chomhchuid breosla sholadaigh iontu faoi dhliteanas CCBS.

Tá an ráta cánach atá i bhfeidhm ar bhreosla soladach i gcomhréir leis an méid CO₂ a astaítear nuair a dhóitear an breosla.

Tagann an dliteanas i leith an CCBS aníos ag an tráth a sholáthraítear an breosla sa Stát den chéad uair. Tá an soláthraí faoi dhliteanas cuntas a thabhairt i leith an CCBS agus í a íoc.

Sa chás go gceannaíonn agus go dtugann duine aonair breosla soladach isteach sa Stát, ní bheidh dliteanas cánach orthu ar an gcoinníoll:

• go n-úsáidtear an breosla dá n-úsáid phearsanta féin
• agus
• go ndéanann siad an breosla a thionlacan isteach sa Stát.

Má dhéanann an duine sin an breosla sin a sholáthar do dhuine eile sa Stát seachas é a úsáid dá úsáid nó húsáid féin:

• measfar go ndearna siad a chéad soláthar breosla sholadaigh mar sholáthraí sa Stát
• agus
• beidh siad faoi dhliteanas CCBS a íoc i leith an tsoláthair agus clárú leis na Coimisinéirí Ioncaim dá réir.

Déanann na Coimisinéirí Ioncaim Cáin Charbóin ar Bhreosla Soladach a riar, a bhailiú agus a fhorfheidhmiú ar na chéad soláthairtí de breosla soladach sa Stát.  

Tá an Roinn Comhshaoil, Aeráide agus Cumarsáide (RCAC), in éineacht le húdaráis áitiúla, freagrach as caighdeáin chomhshaoil​i leith breoslaí soladacha a fhorfheidhmiú. Oibríonn an RCAC córas rialála a chlúdaíonn margaíocht, díol, dáileadh agus dó breoslaí soladacha agus cuireann na húdaráis áitiúla i bhfeidhm é.

Tá cosc ar dhó guail deataigh agus breoslaí áirithe eile i bhfeidhm i gCriosanna Deataigh Ísil ar fud an Stáit. Tagann sé seo leis an cosc ar mhargaíocht, díol agus dáileadh na mbreoslaí sin i gCriosanna Deataigh Ísil. Faoin gcóras rialála ní mór lipéad soiléir a bheith ar gach táirge guail deataigh ísil agus breosla sholadaigh. Ligeann sé seo duit rogha fheasach a dhéanamh faoi na táirgí a cheannaíonn tú.

Tá tuilleadh eolais ar fáil ar shuíomh idirlín an RCAC.

Tá CCBS i bhfeidhm go comhionann ar bhreosla deataigh ísil agus ar bhreosla soladach.

Ar aghaidh: Soláthairtí breosla sholadacha incháinithe agus saor ó cháin