Ceadúnas Geallghlacadóra

Léargas ginearálta

Tabhair do d'aire

Bunaíodh an Gambling Regulatory Authority of Ireland (GRAI) i mí an Mhárta 2025. Nuair a bheidh sé ag feidhmiú, beidh sé freagrach as cearrbhachas a rialáil. Idir an dá linn, leanfaidh na Coimisinéirí Ioncaim de cheadúnais a eisiúint faoi na hAchtanna maidir le Gealltóireacht agus Cearrbhachas

Féadtar fiosruithe faoin GRAI a sheoladh trí ríomhphost chuig communications@grai.ie. 

Is éard is geallghlacadóir ann ná duine, i gcúrsa gnó, a ghlacann le geallta, a shocraíonn corrlach agus gheallann geallta buachana a íoc. Ní mór Ceadúnas Geallghlacadóra a bheith ag gach geallghlacadóir.

Riachtanais bhreise:

• Ar-Chúrsa: Má reáchtáiltear do ghnó ar chúrsa, teastóidh cead ó Horse Racing Ireland chomh maith le do Cheadúnas Geallghlacadóra ó na Coimisinéirí Ioncaim.
• As-Cúrsa: Más ó oifig(í) geallghlacadóra a reáchtáiltear do ghnó, ní mór duit gach oifig a chlárú le Clár na gCoimisinéirí Ioncaim um Oifigí Gealltóireachta. Tá tú faoi dhliteanas le haghaidh na Dleachta Gealltóireachta chomh maith.

Is í an tréimhse cheadúnacháin reatha ná ón 1 Iúil 2023 go dtí an 30 Meitheamh 2025. Is tréimhse sheasta bliana í an tréimhse cheadúnacháin nua ón 1 Iúil 2025 go dtí an 30 Meitheamh 2026. Rachaidh ceadúnais in éag ag deireadh na tréimhse ceadúnacháin, is cuma an dáta eisiúna.

Rachaidh do chuid clárúchán áitribh (Deimhniú um Chlárú Áitribh) in éag ar an dáta céanna le do Cheadúnas Geallghlacadóra. 

Rachaidh na ceadúnais in éag ag deireadh na tréimhse ceadúnúcháin, is cuma an dáta eisiúna. 

An costas atá ar Cheadúnas Geallghlacadóra ná €250.

An costas atá ar gach Deimhniú um Chlárú Áitribh ná €380.

Ar aghaidh: An chéad iarratas ar cheadúnas geallghlacadóra