Éilimh idirnáisiúnta

Más cuideachta nó duine aonair neamhchónaitheach tú, féadfaidh sé go bhfuil tú in ann aisíocaíocht nó díolúine a éileamh ó aon cháin Éireannach a n-íocann tú uirthi:

• ioncam
• pinsin
• íocaíochtaí úis.

Ní mór a bheith cónaitheach i dtír a bhfuil Conradh um Chánachas Dúbailte aici le hÉirinn.

Cén chaoi le héileamh a dhéanamh

Is ar a bhfuil tú ag déanamh éilimh ina leith a bhraitheann sé cén fhaisnéis a theastaíonn uait chun an t-éileamh a dhéanamh:

• Aisíocaíochtaí den Cháin Iarchoimeádta ar Sheirbhísí Gairmiúla (CISG): féadtar Foirm IC11 agus ceistneoir a chomhlánú. I dteannta a chéile, ní mór duit 'Admháil um Fhógra(í) Íocaíochta’ a thíolacadh freisin.
• Aisíocaíocht den Cháin Conarthaí Iomchuí (CCI).
• Aisíocaíocht nó díolúintí (nó an dá rud) de cháin Éireannach ar phinsin agus ar bhlianachtaí: comhlánaigh Foirm IC2.
• Aisíocaíocht den Cháin Choinneála ar Ús Taisce (CCÚT): comhlánaigh Foirm IC5.
• Aisíocaíocht chánach Éireannach íoctha ar chomhaontuithe úis íoctha ag cuideachtaí: comhlánaigh Foirm IC6 agus cuir san áireamh na doiciméid bhreise a lorgaíodh ar an bhfoirm.
• Aisíocaíocht chánach ar cháin Éireannach íoctha ar chomhaontuithe úis ag duine aonair: comhlánaigh Foirm IC7 agus cuir san áireamh na doiciméid bhreise a iarradh ar an bhfoirm.
• Aisíocaíocht chánach Éireannach íoctha ar ioncam ó iontaobhais do neamhchónaitheoirí: comhlánaigh Form IC9.
• Díolúine ó cháin ar Ghníomhas Cúnaint: comhlánaigh Foirm IC8 agus agus cuir san áireamh na doiciméid bhreise a iarradh ar an bhfoirm.
• Aisíocaíocht chánach sóinseála: féadtar Foirm IC9 a chomhlánú in éineacht le Foirm 1 FD agus deimhniú in éineacht leis.

Scrúdaítear agus próiseáiltear gach éileamh de réir an méid seo a leanas:

• de réir théarmaí an Chomhaontaithe um Chánachas Dúbailte ábhartha
• An tAcht Comhdhlúite Cánacha, 1997.

Tuilleadh eolais

Chun díolúine ó cháin sóinseála a éileamh, ba chóir Foirm 1 FD a chomhlánú. Tabhair an fhoirm do do bhaincéir nó do do bhróicéir roimh 15 Feabhra den bhliain ina dteastaíonn uait an díolúine a éileamh.

Ní bheidh ort an fhoirm a líonadh ach aon uair amháin. Beidh feidhm ag an díolúine chomh fada is a fhanfaidh tú a bheith neamhchónaitheach.

Féadfaidh sé gur choinnigh do bhaincéir nó do bhróicéir cáin sóinseála siar sa bhliain reatha. Murar íoc siad an cháin leis na Coimisinéirí Ioncaim, féadfaidh siad í a aisíoc leat.