Smuigleáil drugaí agus tobac
Cén chaoi le gníomhaíochtaí amhrasacha a thuairisciú
Braitheann muid ar fhaisnéis ón slabhra soláthair trádála, ón bpobal áitiúil agus ón bpobal i gcoitinne. D’fhéadfadh d’fhaisnéis a úsáid chun drugaí dainséaracha a bhrath agus a urghabháil, nó arm tine, airgeadra nó fiadhúlra a iompórtáil agus a easpórtáil.
Féadtar cabhrú trí aon ghníomhaíochtaí neamhdhleathach nó neamhrialta a thuairisciú do Chustaim.
Tá suim againn i bhfaisnéis faoin méid seo:
- drugaí neamhdhleathacha a iompórtáil
- ceimiceáin réamhtheachtacha a atreorú (a úsáidtear chun drugaí mídhleathacha a mhonarú)
- iompórtáil nó díol neamhdhleathach toitíní agus tobac
- airm neamhdhleathacha agus dainséaracha
- drugaí feabhsaithe feidhmíochta agus íomhá (stéaróidigh)
- airgeadra a iompórtáil nó a easpórtáil go neamhdhleathach
- fána a iompórtáil nó a easpórtáil go neamhdhleathach
- earraí góchumtha.
Má tá tú in amhras faoi rud, déan teagmháil le Custaim láithreach. Ná fan go dtí uaireanta oifige.
- Faire Custam ar Dhrugaí ar an Uimhir Saorfón faoi Rún ar 1800 295 295
- nó
- trí ríomhphost a sheoladh chuig NPC@revenue.ie.
Bí cinnte teagmháil a dhéanamh linn chun liosta iomlán dár n-oifigí Custam a fháil.
Ná bain úsáid as an raidió chun teagmháil a dhéanamh leis na Custaim seachas nuair nach bhfuil aon rogha eile ann.
Má thagann tú ar earraí, ná cuir isteach ar an suíomh ná ná marcáil é, ní gá ach nóta a dhéanamh agus an suíomh a thuairisciú. Trí chur isteach ar earraí, d'fhéadfaí fianaise a scriosadh a d’fhéadfadh iad siúd atá freagrach as a aithint.
Ar mhaithe leat féin, ná bíodh baint agat le heachtra ar bith.
Ar aghaidh: Faire Custam ar Dhrugaí