Iontaobhais is gá clárú agus díolúintí áirithe
Neamhchónaitheoirí
I gcás iontaobhais nach bhfuil aon duine de na hiontaobhaithe cónaitheach san Aontas Eorpach (AE) agus an t-iontaobhas gan a bheith á riaradh san AE, ní mór dóibh clárú le CLÚTI má tá an méid seo a leanas i gceist leo:
- má dhéanann iontaobhaí caidreamh gnó sa Stát thar ceann an iontaobhais
- nó
- má fhaigheann iontaobhaí talamh nó réadmhaoin eile sa Stát in ainm an iontaobhais.
Beidh feidhm aige seo chomh fada agus atá an méid seo i gceist:
- go bhfuil an caidreamh gnó ann
- nó
- go leanann an talamh nó an mhaoin de bheith i seilbh iontaobhaí in ainm an iontaobhais.
Tabhair do d’aire
Ciallaíonn 'caidreamh gnó' caidreamh gnó, gairmiúil nó tráchtála idir an duine ainmnithe, chun críocha frithsciúradh airgid, agus a chustaiméir. Ní mór don duine ainmnithe a bheith ag súil leis go leanfaidh an caidreamh seo ar aghaidh.
Ní mór d'iontaobhaithe nach bhfuil cónaitheach san AE ach go bhfuil caidreamh gnó nó maoin acu i níos mó ná Ballstát amháin deimhniú a fháil ón gCláraitheoir i mBallstát eile sna cásanna seo:
- go ndéanann iontaobhaí caidreamh gnó sa Stát thar ceann an iontaobhais
- nó
- go bhfaigheann iontaobhaí talamh nó réadmhaoin eile in Éirinn in ainm an iontaobhais
- agus
- go dtíolacann an t-iontaobhaí an fhaisnéis ar Chlár Lárnach i mBallstát eile
- agus
- go bhfuil an fhaisnéis mar an gcéanna leis an méid a éilítear a thíolacadh ar CLÚTI (seachas an UPSP).
Tabhair do d'aire
Ba chóir go sonródh an deimhniú go bhfuil an t-eolas tíolactha ag an iontaobhaí ar Chlár Iontaobhais an Bhallstáit sin.
Ní mór go mbeadh an deimhniú ar fáil lena scrúdú.
Ar aghaidh: Socruithe eisiata