Íocaíochtaí le fostaithe
Scáth-phárolla
Féadfaidh sé go bhfuil freagrachtaí dúbailte iarchoimeádta párolla in Éirinn agus i ndlínse eachtrach ag roinnt fostóirí. Má tá, is minic a rithfidh siad rud ar a dtugtar ‘scáth-phárolla’ i ndáil le hioncam incháinithe fostaí.
Sa chás nach dtagann dátaí pá i ndlínsí eachtracha le dátaí pá Éireannacha, féadtar an tíolacadh párolla a ailíniú leis an gcéad dáta pá eile de chuid an fhostóra Éireannaigh dá bhfostaithe coibhéise in Éirinn.
- Sampla
Leagadh dualgais ar dhuine ón Ríocht Aontaithe le comhlíonadh sa Stát do chomhlacht Éireannach, IRL Co. Íocann an fostóir ón Ríocht Aontaithe, UK Co. an duine aonair seo ar an 14ú agus an 28ú den mhí. Íocann IRL Co. a gcuid fostaithe áitiúla ar an 25ú den mhí. Ba chóir sonraí pá an tsannaí don 28 Eanáir agus don 14 Feabhra a chur san áireamh i dtíolacadh párolla IRL Co. ar an 25 Feabhra.
Laethanta oibre Éireannacha a ríomh
Ba chóir duit an meastachán is fearr a chur ar fáil den líon laethanta a oibríonn duine aonair in Éirinn. Má tá níos mó (nó níos lú) laethanta ná mar a measadh i dtosach, ba chóir an pá a leasú sa chéad tíolacadh párolla eile ina dhiaidh sin.
Iarratais ar fhuascailt ón dualgas ÍMAT a oibriú
Féadann fostóir iarratas a dhéanamh leis na Coimisinéirí Ioncaim agus fuascailt a dheonú dóibh ón dualgas Íoc Mar a Thuillir (ÍMAT) a oibriú. Má dhiúltaítear an t-iarratas seo ina dhiaidh sin, ba chóir don fhostóir ÍMAT a oibriú ón tráth sin ar aghaidh. Ní ghearrfaidh na Coimisinéirí Ioncaim pionós ar fhostóirí sa chás go ndéantar an t-iarratas bunaidh de mheon macánta.
Tabhair do d'aire
Ní bheidh an méid thuas i gceist ach amháin sa chás go bhfuil ionchas soiléir ann go ndeonófar an fhuascailt. Féadfaidh sé go bhfuil sé soiléir nach cosúil go gcomhlíonfar na coinníollacha a leagtar amach san alt ar fhostaíocht (Airteagal 15, go hiondúil) sa Chonradh cuí. Sa chás seo, beidh feidhm ag forálacha Chaibidil 4 de Chuid 42 den Acht Comhdhlúite Cánacha.
Beidh na nósanna imeachta seo a leanas i bhfeidhm:
- Ba chóir don fhostóir an t-ioncam uile a íocadh leis an bhfostaí ón dáta a thosaítear sannadh a chur san áireamh. Folaíonn sé seo an t-ioncam ón dáta a fheidhmítear ÍMAT.
- Feidhmeoidh Fógraí Párolla na gCoimisinéirí Ioncaim (FPCI) ar bhonn Sheachtain 1.