Scéim Fóirdheontais Pá Fostaíochta (SFPF)

Cén chaoi le héileamh a dhéanamh i leith fostaithe agus rátaí fóirdheontais

Chun an Scéim Fóirdheontais Pá Fostaíochta (SFPF) a éileamh d’fhostaí incháilithe, ba ghá an méid seo a leanas a dhéanamh:

• ‘SFPF’ a lua mar chineál na híocaíochta sa rannán ‘Íocaíochtaí Eile’ ar an tíolacadh párolla
• €0.00 nó €1.00 a chur isteach (ag brath ar chumas an phacáiste párolla) mar luach den 'Íocaíocht Eile' chomhfhreagrach a rinneadh
• gan sonraí an SFPF a chur san áireamh in ‘Íocaíocht Eile’ ar an duillín pá a chuireadh ar fáil don fhostaí.

An méid a rinne na Coimisinéirí Ioncaim tar éis éileamh a fháil

Nuair a bhfuair na Coimisinéirí Ioncaim tíolacadh párolla SFPF incháilithe, rinne siad an méid seo a leanas:

• an fóirdheontas iníoctha a ríomh agus an párolla a thíolactar a phróiseáil
• íocaíocht a dhéanamh sa chuntas bainc ainmnithe, go hiondúil taobh istigh de dhá lá oibre
• an creidmheas Árachas Sóisialach Pá-Choibhneasa ( ÁSPC ) dlite i leith dátaí pá suas go dtí 28 Feabhra 2022 a ríomh agus é a chur ar do Ráiteas Cuntais ar líne.

Níor phróiseáil na Coimisinéirí Ioncaim an íocaíocht fóirdheontais más rud é :

• nach raibh imréiteach cánach agat
• nó
• má bhí tuairisceáin incháilitheachta athbhreithnithe amuigh agat ar dháta dlite an tuairisceáin 

Ba ghá duit teagmháil a dhéanamh leis na Coimisinéirí Ioncaim agus iarraidh orthu an aisíocaíocht a eisiúint nuair a bheidh:

• imréiteach cánach faighte agat
• nó
• na tuairisceáin amuigh tíolactha agat

Ba ghá duit teagmháil a dhéanamh leis na Coimisinéirí Ioncaim ar M’Fhiosruithe agus roghnaigh ‘ÍMAT Fostóra’ agus ansin ‘Fiosrú Ginearálta ÍMAT Fostóra’.

Fritháireamh

Féadadh éilimh SFSP a fhritháireamh i gcoinne dliteanais amuigh SFSP. Cinntíodh sé seo go nglanadh dliteanais SFSP sula ndéanadh íocaíocht i leith éilimh nua.

Rátaí fóirdheontais

Braitheadh suim an fhóirdheontais a íoctar leat ar ioncam comhlán gach fostaí. Tugadh an SFPF fóirdheontas cothromráta duit, bunaithe ar líon na bhfostaithe cáilitheacha ar do phárolla.

Rátaí fóirdheontais d’fhostaithe atá ag obair in earnálacha a bhfuil tionchar go díreach ag Rialacháin Sláinte Poiblí (RSP) an 20 Nollaig orthu

Más rud é gur fhostaí tú fostaithe incháilithe a bhí ag obair in earnálacha a bhí tionchar go díreach ag na srianta a fógraíodh ar an 20 Nollaig 2021 bhí fóirdheontais difriúla agat. Tugadh ‘RSP SFPF’ ar an gcéim seo den scéim. Chun RSP SFPF a éileamh d’fhostaí incháilithe, ní mhór duit an méid seo a leanas a dhéanamh:

• ‘RSP SFPF’ a chur san áireamh mar chineál na híocaíochta sa rannán ‘Íocaíochtaí Eile’ ar an tíolacadh párolla
• €0.00 nó €1.00 (ag brath ar chumas an phacáiste párolla) a chur isteach mar an luach don ‘Íocaíocht Eile’ comhfhreagrach a dhéanadh
• gan sonraí maidir leis an ‘Íocaíocht Eile’ SFPF a chur san áireamh ar an duillín pá a chuir tú ar fáil don fhostaí.

Minicíocht íocaíochta an fhóirdheontais

I gcás tréimhsí pá míosúil ina dtuairiscítear ceithre nó cúig seachtaine incháinithe, ríomhadh pá comhlán seachtainiúil trí:

• an pá comhlán seachtainiúil a mhéadú faoi 12
• an toradh a roinnt ar 52.

Féadadh sampla a fháil in Guidelines on the operation of the EWSS.

Ar aghaidh: Ráta laghdaithe Árachais Shóisialaigh Pá-Choibhneasa (ÁSPC)