Scéim Fóirdheontais Pá Fostaíochta (SFPF)
Fostaithe incháilithe
Féadtar fóirdheontas a éileamh i leith fostaithe incháilithe ar phárolla an ghnó bhuailte tríd an Scéim Fóirdheontais Pá Fostaíochta (SFPF). Bhí fostaithe incháilithe má bhfuair siad pá comhlán seachtainiúil idir €151.50 agus €1,462. Bhí riachtanas reachtaíochta ann go raibh ar fhostaithe a bheith ag obair go gníomhach le bheith incháilithe don SFPF.
Stiúrthóirí dílseánaigh
Féadadh an fóirdheontas a éileamh i leith stiúrthóirí dílseánaigh más rud é:
- gur chomhlíon tú critéir cháilitheachta an SFSP
- go raibh an stiúrthóir dílseánaigh ar do phárolla
- agus
- gur íoc tú agus thuairiscigh tú pá leis an stiúrthóir dílseánaigh idir an 1 Iúil 2019 agus an 30 Meitheamh 2020.
Tabhair do d’aire
Má bhí tú i do stiúrthóir dílseánaigh ar dhá chuideachta cháilitheacha nó níos mó, ní fhéadtar éileamh ar SFPF ach amháin i ndáil le cuideachta incháilithe amháin.
Páirtithe bainteacha
Féadadh an fhóirdheontas a éileamh i leith páirtithe bainteach más rud é :
- gur chomhlíon tú na critéir incháilitheachta don SFPS
- go raibh an páirtí bainteach ar do phárolla
- agus
- gur íoc tú agus thuairiscigh tú an pá don pháirtí bainteach idir an 1 Iúil 2019 agus an 30 Meitheamh 2020.
Bhí na gaolta seo leis an duine aonair nó lena gcéile san áireamh i measc páirtithe bainteacha:
- deartháir nó deirfiúr
- aintín nó uncail
- neacht nó nia
- dírshinsear nó dírshliochtach.
Fostaithe a fhostaítear seachas mar chuid de ghnó
Ní fhéadtar SFPF a éileamh d’fhostaithe a bhí fostaithe seachas mar chuid de ghnó. Samplaí de na fostaithe seo ná fostaithe intíre, amhail:
- feighlithe leanaí
- coimeádaithe tí
- garraíodóirí.
Ar aghaidh: Clárúchán agus oibriú na Scéime Fóirdheontais Pá Fostaíochta (SFPF)