Faoiseamh Talmhaíochta

Céard iad na coinníollacha le haghaidh an Fhaoisimh Talmhaíochta?

Chun cáiliú mar 'fheirmeoir' don Fhaoiseamh Talmhlaíochta ní mór duit 'tástáil sócmhainní' agus 'tástail feirmeora gníomhaigh' a shásamh.

Tástáil Sócmhainní

Chun an tástáil sócmhainní a shásamh, ní mór go mbeadh 80% ar a laghad de luach iomlán do mhaoine comhdhéanta de mhaoin talmhaíochta. Déantar an tástáil sócmhainní ar an dáta luachála.

Ní mór duit luach margaidh comhlán do mhaoine go léir a áireamh, lena n-áirítear an mhaoin sa bhronntanas nó san oidhreacht. Ní fhéadtar aon fhiacha a asbhaint ó luach na maoine mar shampla, morgáiste nó muirear eile ar an maoin. É sin ráite, féadtar iasachtaí a tógadh amach chun do phríomháit chónaithe phríobháideach a cheannach, a fheabhsú nó a dheisiú, a asbhaint, fad is nach maoin talmhaíochta í an teach.

  • Sampla

    Tá teach ag Máire (ar luach €80,000) le morgáiste (€20,000), carr (€5,000), agus cuntas taiscthe bainc (€2,000). Ní teach feirme é a teach. Faighean sí talamh feirme (€300,000) mar bhronntanas, chomh maith le beostoc agus innealra feirme (€50,000). An sásaíonn Máire an tástáil sócmhainní chun críocha Faoisimh Talmhaíochta?

    Samplach d’Fhaoiseamh Talmhaíochta
    SócmhainnMaoin TalmhaíochtaMaoin Uile
    Teach €60,000
    Carr €5,000
    Taisce Bhainc €2,000
    Talamh feirme €300,000 €300,000
    Beostoc & Innealra €50,000 €50,000
    Iomlán €350,000 €417,000

    Is é luach margaidh comhlán sócmhainní Mháire tar éis di an bronntanas a fháil ná €417,000; agus is é €350,000 luach margaidh comhlán a sócmhainní talmhaíochta. (€350,000/€417,000) x 100 = 83.9%.

    Sásaíonn Máire an tástáil sócmhainní chun críocha an Fhaoisimh.

Tástáil Feirmeora Gníomhaigh

Chun an 'Tástáil Feirmeora Gníomhaigh' a shásamh, ní mór duit:

  • feirmeoireacht a dhéanamh ar an maoin talmhaíochta ar bhonn tráchtála ar feadh sé bliana ar a laghad ón dáta luachála
  • ón
  • an mhaoin a ligean ar léas le duine a dhéanann feirmeoireacht ar bhonn tráchtála ar feadh sé bliana ar a laghad ón dáta luachála.

Ina theannta sin, ní mór don duine a fhaigheann an bronntanas nó an oidhreacht, nó an duine atá ag ligean an mhaoin ar léas:

  • 'cáilíocht feirmeoir oiliúnaithe' a bheith acu nó cáilíocht atá liostaithe i Sceideal 2 nó 2A den Acht Comhdhlúite Dleachtanna Stampa 1999
  • nó
  • feirmeoireacht a dhéanamh ar an maoin talmhaíochta ar feadh 50% ar a laghad dá ngnáthuaireanta oibre.

Tabhair do d’aire

Is 'cáilíocht feirmeoir oiliúnaithe':

  • cáilíocht atá liostaithe sa tábla a ghabhann le halt 654A den Acht Comhdhlúite Cánacha 1997
  • agus
  • aon cháilíocht eile atá deimhnithe ag Teagasc.

Tá an liosta iomlán de 'cháilíochtaí feirmeora oiliúnaithe' ar fáil ar shuíomh idirlín Teagasc.

Ar aghaidh: Cén chaoi a ríomhtar méid an fhaoisimh?

Foilsithe: 16 Nollaig 2025 Priontáil an leathanach seo

Siar chuig leathanach baile Ar ais go barr