Faoiseamh Talmhaíochta

Céard iad na coinníollacha le haghaidh an Fhaoisimh Talmhaíochta?

Le cáiliú don Fhaoiseamh Talmhaíochta mar fheirmeoir, ní mór an méid seo a bheith i gceist le luach do mhaoine talmhaíochta gurb ionann é agus 80% Iar a laghad de luach iomlán do mhaoine ar an dáta luachála. Tugtar an ‘Tástáil Feirmeora’ air seo. Ní fheidhmítear é seo sa chás nach bhfuil ach crainn agus casarnacha i gceist leis an maoin talmhaíochta.

Maidir le bronntanais agus oidhreachtaí a thógtar tar éis an 1 Eanáir 2015, nuair atá an dáta luachála ar an 1 Eanáir 2015 chomh maith nó ina dhiaidh sin, ní mór duit:

  • feirmeoireacht a dhéanamh ar an maoin talmhaíochta ar bhonn tráchtála ar feadh sé bliana ar a laghad ón dáta sin
  • an mhaoin a ligean ar léas do dhuine a dhéanann feirmeoireacht ar an maoin talmhaíochta ar bhonn tráchtála ar feadh sé bliana ar a laghad ón dáta sin.

Tugtar an ‘Tástáil Feirmeora Gníomhaigh’ ar na riachtanais thuas.

Ina theannta sin, ní mór ceann den mhéid seo a bheith i gceist leis an duine atá ag fáil an bhronntanais nó na hoidhreachta, nó an duine atá ag ligean an mhaoin ar léas:

  • cáilíocht talmhaíochta a bheith ag an duine (de réir mar atá sa liosta i Sceideal 2, 2A nó 2B den Acht Comhdhlúite Dleachtanna Stampa, 1999, ar fáil ar Stamp Duties Consolidation Act 1999)
  • feirmeoireacht a dhéanamh ar an maoin talmhaíochta ar feadh 50% ar a laghad de d’uaireanta oibre.

Ar aghaidh: Cén chaoi a ríomhtar méid an fhaoisimh?