Cianobair ón mbaile

An chaoi a ríomhtar costais incheadaithe cianoibrithe

Ní fhéadtar éileamh a dhéanamh ach amháin i leith na laethanta a d’oibrigh tú ón mbaile mar chianoibrí. Ní fhéadtar na nithe seo a leanas a áireamh:

  • deireadh seachtaine nó laethanta saoire phoiblí nach raibh gá ort obair
  • laethanta a tógadh mar shaoire bhliantúil
  • laethanta a thug tú obair abhaile leat taobh amuigh de ghnáthuaireanta oibre.

Costas roinnte idir breis agus duine amháin

Má roinntear an costas idir beirt nó níos mó, féadtar é a chionroinnt bunaithe ar an tsuim a d’íoc gach duine.

Foirmle chun ríomh a dhéanamh

Ríomhtar d’fhaoiseamh trí úsáid a bhaint as an bhfoirmle (A × B) ÷ C - D ag 30%, sa chás go bhfuil:

  • (A) do bhillí fóntais incheadaithe le haghaidh leictreachais, teasa agus leathanbhanda
  • (B) líon na laethanta cianoibre atá agat
  • (C) líon na laethanta sa bhliain mheasúnaithe ábhartha
  • (D) aon liúntas cianoibre a aisíocann d’fhostóir.

Tugtar an faoiseamh ag an ráta cánach is airde.

  • Sampla 1

    In 2023, d’oibrigh Áine ón mbaile ar feadh 50 lá. Ba é costas a leictreachais, teasa agus leathanbhanda do 2023 ná €1,890. Ní fhaigheann Áine liúntas as cianobair ón bhfostóir.

    Ríomh an méid sonraithe le haghaidh faoisimh cianoibrithe

    Cur síos

    		 RíomhSuim

    (A) na billí fóntais incheadaithe a íocadh

    		  

    €1,890

    (A) méadaigh faoi (B) - líon na laethanta cianoibre

    €1890 × 50

    €94,500

    Roinnte ar (C) - líon na laethanta sa bhliain

    €94,500 ÷ 365

    €258.90

    Asbhain (D) - an méid a d'aisíoc d'fhostóir

    0

    €258.90

    Costas incheadaithe (30%)

    		 €258.90 × 0.3 €77.67

    Íocann Áine cáin ag an ráta níos airde (40%), mar sin gheobhaidh sí €31.07 mar fhaoiseamh cánach.

  • Sampla 2

    In 2024, d'oibrigh Roibeárd agus Marcus ón mbaile ina dteach roinnte. D’oibrigh an bheirt acu 181 lá go cianda. Ba é an costas dá leictreachas agus teasa do 2024 ná €1,200. €360 an costas leathanbhanda a bhí acu. Ní bhfuair Roibeárd ná Marcus aon liúntas cianoibre óna bhfostóir.

    Roinn siad na billí go cothrom eatarthu, agus ríomh an bheirt acu an sciar a fhéadann siad a éileamh.

    Ríomh cuid amháin de chostais cianoibre
    Cur síosRíomhSuim

    Suim íoctha ag gach duine

    €780

    Méadaigh faoi líon na laethanta cianoibrithe

    €780 × 181

    €141,180

    Roinn ar 365

    €141,180 ÷ 365

    €386.79

    Costas incheadaithe (30%)

    €386.79 × 0.3

    €116.03

    Ag deireadh na bliana, chomhlánaigh Roibeárd agus Marcus a dTuairisceán Cánach Ioncaim féin le haghaidh 2024. Déanfaidh gach duine acu éileamh ar chostais de €116.03 le haghaidh faoiseamh cianoibre.

    Íocann Pól agus Maolra cáin ag an ráta cánach níos airde (40%) agus gheobhaidh siad €46.41 mar fhaoiseamh cánach.

Ar aghaidh: An chaoi le Faoiseamh Cianoibre a éileamh

Foilsithe: 18 Feabhra 2025 Priontáil an leathanach seo

Siar chuig leathanach baile Ar ais go barr