Cianobair ón mbaile
An chaoi le Faoiseamh Cianoibre a éileamh
Tá an chaoi a n-éilíonn tú an faoiseamh éagsúil, ag brath ar an mbliain chánach.
Faoiseamh Cianoibre a éileamh le haghaidh 2022 agus blianta ina dhiaidh sin
Ó 2022 ar aghaidh, féadtar an faoiseamh cánach a éileamh le linn na bliana nó tar éis dheireadh na bliana. Chun tacú le d'éileamh, ní mór duit admhálacha agus íomhánna de do bhillí fóntais a uaslódáil. Ní mór go mbeadh gach íomhá an admhála soiléir, inléite agus go léiríonn sé suim an bhille a íocadh.
An faoiseamh a éileamh don bhliain reatha
Féadtar an faoiseamh don bhliain reatha a éileamh i bhfíor-am trí admhálacha agus íomhánna de do bhillí fóntais a uaslódáil. Féadtar é seo a dhéanamh trí úsáid a bhaint as an Rianaire Admhálacha sa chárta 'Seirbhísí ÍMAT' i moChúrsaí.
Chun tuilleadh eolais a fháil ar an bhfaoiseamh a éileamh i rith na bliana, féach Cén chaoi le héileamh ar Chreidmheas Fíor-ama a dhéanamh.
An faoiseamh a éileamh tar éis dheireadh na bliana
Chun an faoiseamh a éileamh tar éis dheireadh na bliana:
- Sínigh isteach ar moChúrsaí.
- Ar an gcárta ‘Seirbhísí ÍMAT’, roghnaigh ‘déan athbreithniú ar do cháin’.
- Roghnaigh an Bhliain Chánach Ioncaim 2023 agus roghnaigh ‘tíolaic’.
- I ‘Creidmheasanna & Faoisimh Chánach’, roghnaigh an cluaisín ‘Do phost’ agus ansin roghnaigh ‘Faoiseamh Cianoibre’.
Féadtar do Thuairisceán Cánach Ioncaim do 2023 a chomhlánú ón 1 Eanáir 2024.
Éileamh ar Fhaoiseamh Cianoibre le haghaidh 2020 agus 2021
Chun an faoiseamh a éileamh do 2020 agus 2021 ní mór duit do Thuairisceán Cánach/Thuairisceáin Chánach Ioncaim a chomhlánú.
Chun an faoiseamh a éileamh:
- Sínigh isteach ar moChúrsaí.
- Ar an gcárta ‘Seirbhísí ÍMAT’, roghnaigh ‘déan athbreithniú ar do cháin 2020-2023’.
- Roghnaigh an Bhliain Chánach Ioncaim agus roghnaigh ‘tíolaic’.
- I ‘Creidmheasanna & Faoisimh Chánach’, roghnaigh an cluaisín ‘Do phost’ agus ansin roghnaigh ‘Faoiseamh Cianoibre’.
Chun an faoiseamh a éileamh do 2020 agus 2021, féadtar admhálacha agus íomhánna de do bhillí fóntais a uaslódáil. Féadtar é seo a dhéanamh trí úsáid a bhaint as an Rianaire Admhálacha sa chárta 'Seirbhísí ÍMAT' i moChúrsaí. Ní mór go mbeadh gach íomhá an admhála soiléir, inléite agus go léiríonn sé suim an bhille a íocadh.
Le haghaidh 2020 agus 2021, níl sé éigeantach admhálacha a uaslódáil, ach cinnteoidh sé nach gá duit an admháil bhunaidh a choinneáil. Chomh maith leis sin, beidh suim na mbillí a d’íoc agus a uaslódáil tú ar fáil i do Thuairisceán Cánach Ioncaim.
Tabhair do d’aire
Mura n-uaslódáiltear admhálacha ná mbillí, ba chóir duit na bunchóipeanna a choinneáil ar feadh tréimhse sé bliana.
Míneoidh an físeán gairid seo an chaoi le héileamh a dhéanamh le haghaidh 2020 agus 2021:
Ar aghaidh: Ríomhairí agus trealamh breise arna sholáthar ag an bhfostóir