Creidmheasanna Fíor-Ama
Cén chaoi le héileamh ar Chreidmheas Fíor-ama a dhéanamh
Féadfaidh tú éileamh fíor-ama a dhéanamh tar éis duit caiteachas cáilitheach a thabhú. Ní mór íomha inléite de gach admháil a uaslódáil chuig an Rianaire Admhálacha. Tá an Rianaire Admhálacha sna rannáin ‘Seirbhísí ÍMAT’ agus ‘Bainistigh Mo Thaifead’ in moChúrsaí.
Beidh ort sonraí ar dháta íoca an chostais agus an tsuim a d’íoc tú a chuir ar fáil. Féadfaidh sé go mbeidh ort tuilleadh eolais a chur ar fáil agus creidmheasanna nó faoisimh áirithe á éileamh agat, mar shampla:
- ainm agus Uimhir Phearsanta Seirbhíse Poiblí (UPSP) chónaitheoir an tí altranais má íocann tusa na táillí
- nó
- Foirm Med 2 comhlánaithe ag cleachtóir fiaclóireachta le haghaidh cóireáil fiaclóireachta neamhghnáthaimh.
Sa Rianaire Admhálacha:
- Roghnaigh ‘Cuir admháil nua leis’.
- Cuir isteach an dáta ar íocadh an costas.
- Roghnaigh catagóir agus fochatagóir ón liosta a chuirtear ar fáil.
- Cuir isteach suim na gcostas a d’íoc tú.
- Deimhnigh go bhfuair tú aisíocaíocht ó thriú páirtí, nuair is cuí.
- Uaslódáil d’admháil, lean na treoracha agus roghnaigh ‘Cuir admháil leis’ ag bun an leathanaigh.
- Lean aon leid a thagann aníos.
- Sínigh agus tíolaic trí do phasfhocal moChúrsaí a chur isteach.
Aisíocaíochtaí ó thriú páirtithe
Féadfaidh sé go bhfuil tú i dteideal, nó go bhfuair tú, aisíocaíocht ó thriú páirtí i dtreo do chaiteachas ó cheann amháin díobh seo a leanas:
Má fuair tú aisíocaíocht, nó go bhfuil tú i dteideal aisíocaíocht a fháil, ní mór duit:
- roghnaigh ‘Fuair’ nuair a iarrtar ort an bhfuair tú aisíocaíocht
- agus
- cuir isteach an tsuim a aisíocadh nó atá dlite le haisíoc leat.
Asbhainfear an tsuim seo ó do chostais go huathoibríoch sula ndéanann tú d’éileamh ar Chreidmheasanna Fíor-Ama. Ní fhéadtar d’éileamh a chur i gcrích go dtí go ndeimhnítear suim na haisíocaíochta a fuarthas.
Ní fhéadtar faoiseamh a éileamh ar shuim aon aisíocaíocht i leith do chaiteachas a fuair tú, nó atá le fáil agat.
Má chlúdaíonn an aisíocaíocht roinnt éilimh caiteachais, ba chóir an tsuim a leithdháileadh idir gach éileamh cuí.
Ar aghaidh: Cén chaoi le dul chun cinn d'admhálacha uaslódáilte a sheiceáil