Cáin ar phinsin
Cáin barrachais inmhuirir
Má sháraíonn do chiste pinsin ag tráth do scoir an Tairseach Ciste Chaighdeánach, beidh sé faoi dhliteanas cánach barrachais inmhuirir. Is é €2 mhilliún an Tairseach Ciste Chaighdeánach faoi láthair agus beidh aon rud os cionn an mhéid seo faoi dhliteanas cánach barrachais inmhuirir ag 40%.
Ní fhéadtar aon fhaoisimh, liúntais ná asbhaintí a chur in aghaidh na cánach barrachais inmhuirir. Féadtar, áfach, an cháin a íoctar ag 20% ar an tsuim idir €200,001 agus €500,000 a chur in aghaidh na cánach barrachais inmhuirir.
Nuair a thagann cáin barrachais inmhuirir chun cinn, ba chóir don riarthóir pinsin an Fhoirm 787S a chomhlánú agus a thíolacadh chuig na Coimisinéirí Ioncaim. Ba chóir an barrachas a íoc taobh istigh de thrí mhí ón mí inar tharla an cnapshuim.
Ba chóir do sholáthraithe scéime pinsin agus, nuair is infheidhme, riarthóirí, an cháin barrachais inmhuirir a asbhaint agus í a íoc leis na Coimisinéirí Ioncaim. Ba chóir gach ceist maidir leis an gcnapshuim barrachais agus cáin barrachais inmhuirir a chur chuig:
- riarthóirí scéime pinsin
- soláthraithe Cuntais Coigiltis Scoir Phearsanta (cuntais CCSP)
- soláthraithe Táirge Pinsin Phearsanta Uile-Eorpach (TPPU)
- nó
- soláthraithe Conarthaí Blianachta Scoir (conarthaí CBS).