Cuir isteach ar aisíocaíocht Dleachta Stampa faoin Scéim Aisíocaíochta um an Dleacht Stampa ar Fhorbairtí Cónaithe
Féadtar aisíocaíocht Dleachta Stampa a éileamh faoi Scéim Aisíocaíochta na Dleachta Stampa ar Fhorbairtí Cónaithe nuair a thosaíonn tú ar aonad teaghaise aonair, nó forbairt aonad iomadúil teaghaise a thógáil. Ba chóir duit cinntiú go sásaíonn tú coinníollacha na scéime aisíocaíochta roimh éileamh a dhéanamh.
Éileamh a dhéanamh trí Sheirbhís ar Líne na gCoimisinéirí Ioncaim (ROS)
Féadtar an t-éileamh a dhéanamh tríd an áis ríomh-Aisíocaíochtaí ar ROS más duine de na daoine seo thú:
- an duine a thíolaic an tuairisceán Dleachta Stampa trí ROS
- an duine cuntasach agus má tá tú cláraithe le haghaidh ROS, nó má fhéadann tú clárú le haghaidh ROS.
Teastóidh deimhniú digiteach ROS chun an tseirbhís ríomh-Aisíocaíochtaí ROS a úsáid.
Sa guide to Completing a Residential Development Stamp Duty Refund Claim through ROS tá gabhálacha scáileáin chun cabhrú leat éileamh a dhéanamh tríd an tseirbhís ríomh-Aisíocaíochtaí ROS.
Éileamh a dhéanamh trí moChúrsaí
Más tú an duine cuntasach agus mura bhféadtar clárú le haghaidh ROS, ba chóir duit an t-éileamh a dhéanamh tríd an áis ríomh-Aisíocaíochtaí ar moChúrsaí.
Sa guide to Completing a Residential Development Stamp Duty Refund Claim through myAccount tá gabhálacha scáileáin chun cabhrú leat éileamh a dhéanamh tríd an tseirbhís ríomh-Aisíocaíochtaí ar moChúrsaí.
Céard a theastaíonn chun éileamh a dhéanamh?
Chun d’éileamh a dhéanamh leis an tseirbhís ríomh-Aisíocaíochtaí, teastóidh an méid seo a leanas:
- Aitheantas Doiciméid an tuairisceáin Dleachta Stampa (féadtar é seo a fháil ag barr an tuairisceáin)
- Uimhir Idirnáisiúnta Cuntais Bainc (IBAN) agus Cód Aitheantais Bainc (BIC) do chuntais bainc sa chás go bhfuil Treoir Dochair de chuid na gCoimisinéirí Ioncaim socraithe agat le haghaidh Dleacht Stampa
- Dearbhú Reachtúil sínithe
- Ráiteas sínithe um dhaoine cuntasacha – ní theastaíonn sé seo ach amháin nuair atá níos mó ná duine cuntasach amháin ann
- cóip den ríomhphost ón Údarás Rialaithe Tógála cuí ina n-admhaítear go bhfuil an Fógra Tosach Feidhme nó Fógra 7 Lá bailí.
Cén chaoi le teacht ar an tseirbhís
Féadtar teacht ar an tseirbhís ríomh-Aisíocaíochtaí trí ROS ach na céimeanna seo a leanúint:
- Cliceáil ar an rannán ‘Seirbhísí Eile’ sa réimse ‘Mo Sheirbhísí Féin’ ar ROS.
- Cliceáil ar an gcárta ‘Éilimh r-Aisíocaíochta’.
Féadtar teacht ar an tseirbhís ríomh-Aisíocaíochtaí trí moChúrsaí, ach na céimeanna seo a leanúint:
- Sa rannán ‘Seirbhísí Cánach’ in moChúrsaí, féach ar an gcárta ‘Íocaíochtaí/Aisíocaíochtaí’.
- Cliceáil ar ‘Aisíocaíochtaí Leictreonacha’.