An chaoi a bhfuil feidhm ag an gCáin ar Thithe Folmha (CCF)

Ráta na Cánach ar Thithe Folmha (CTF)

Braitheann an ráta CTF a íocann tú ar an mbunráta Cánach Maoine Áitiúla (CMÁ) a ghearrtar ar do mhaoin.

Cáin ar Thithe Folamh - Rátaí
Tréimhse InmhuirirDátaíRáta CTF
1

1 Samhain 2022 go dtí an 31 Deireadh Fómhair 2023

3 oiread an bhunráta CMÁ do 2023
2

1 Samhain 2023 go dtí an 31 Deireadh Fómhair 2024

5 oiread an bhunráta CMÁ do 2024
3

1 Samhain 2024 go dtí an 31 Deireadh Fómhair 2025

7 n-oiread an bhunráta CMÁ do 2025
4

1 Samhain 2025 go dtí an 31 Deireadh Fómhair 2026

7 n-oiread an bhunráta CMÁ do 2026
5

1 Samhain 2025 go dtí an 31 Deireadh Fómhair 2027

7 n-oiread an bhunráta CMÁ do 2028

Féadfaidh d'údarás áitiúil do bhunráta CMÁ a mhéadú nó a laghdú. Tugtar an Fachtóir Coigeartaithe Áitiúil (FCA) air seo. Ríomhtar do CTF ar an mbunráta CMÁ sula ndéantar aon choigeartú chun an LAF a chur san áireamh.

Má dhéanann tú athbhreithniú ar do luacháil maoine chun críocha CMÁ, athróidh do dhliteanas i leith CTF freisin.

Chun eolas a fháil ar an gcaoi a ríomhtar do mhuirear CMÁ, féach na Bandaí agus rátaí luachála.

  • Sampla

    Tá cónaí ar Amy i dteach i dTrá Lí a ceannaíodh le hoidhreacht ó eastát a máthar nach maireann. Sular bhog sí go Trá Lí, bhí Amy ina húinéir agus ina cónaí in árasán aon seomra leapa i Luimneach. Tá an t-árasán seo folamh ó bhog Amy go Trá Lí. Tá sé i gceist ag Amy an t-árasán a choinneáil dá leanaí le húsáid nuair atá siad sean go leor le freastal ar an gcoláiste. Tá cinneadh déanta aici gan an t-árasán a fháil ar cíos.

    Bhí luach €325,000 ar árasán Amy ar an 1 Samhain 2025. Cinneann an luacháil seo a muirear CMÁ do na blianta 2026 go 2030. Is é bunráta CMÁ Amy ná €333 do na blianta seo. Tá an FCA curtha i bhfeidhm ag Comhairle Cathrach agus Contae Luimnigh, rud a mhéadaíonn a dliteanas CMÁ 15% go €382. Níl an coigeartú seo ábhartha do CTF.

    Don cheathrú tréimhse inmhuirir, beidh dliteanas CTF Amy seacht n-oiread an bhunráta CMÁ de €333. Ciallaíonn sé seo gurb é €2,331 (€333 x 7) a dliteanas i leith CTF.

Foilsithe: 16 Deireadh Fómhair 2026 Priontáil an leathanach seo

Siar chuig leathanach baile Ar ais go barr