Díolúintí Cánach ar Thithe Folmha (CTF)

Maoine sa chás gur eisíodh Deonú Ionadaíochta

Féadfaidh díolúine ó Cháin ar Thithe Folmha (CTF) a bheith ar fáil sa chás go bhfuil Deonú Ionadaíochta eisithe chuig eastát úinéara maoine.

Beidh feidhm ag an díolúine seo don tréimhse inmhuirir sna cásanna seo a leanas:

• eisíodh Deonú Ionadaíochta, agus gach tréimhse inmhuirir ina dhiaidh sin go dtí an tréimhse inmhuirir roimh an dáta luachála chun críocha na Cánach Fáltas Caipitiúil (CFC)
• agus
• d'áitigh an t-úinéir an mhaoin mar an t-aon áit chónaithe nó mar phríomháit chónaithe díreach roimh a mbás.

Ní mór an díolúine a éileamh sa Tuairisceán CTF do gach tréimhse inmhuirir lena mbaineann.

Sampla

Fuair Seosamh bás ar an 20 Samhain 2023 gan uacht a fhágáil. Ag am a bháis, bhí Seosamh ina chónaí in árasán arbh é an t-aon áit chónaithe a bhí aige. Rinne a nia Peadar iarratas ar Dheontas Riaracháin, a eisíodh ar an 14 Márta 2024. Ba é an 1 Nollaig 2025 an dáta luachála don árasán chun críocha CFC sa chás seo.

Eisíodh an Deontas Riaracháin le linn na tréimhse inmhuirir ón 1 Samhain 2023 go dtí an 31 Deireadh Fómhair 2024. Ciallaíonn sé seo go bhfuil feidhm ag díolúine ó CTF don tréimhse inmhuirir sin.

D'fhéadfaí díolúine ó CTF a éileamh freisin don tréimhse inmhuirir ón 1 Samhain 2024 go dtí an 31 Deireadh Fómhair 2025.

Ní fhéadtar díolúine ó CTF a éileamh don tréimhse inmhuirir ón 1 Samhain 2025 go dtí an 31 Deireadh Fómhair 2026. Tá sé seo toisc go dtitfidh an dáta luachála chun críocha CFC le linn na tréimhse inmhuirir seo.

Ar aghaidh: Maoine a mhargaítear go gníomhach lena ndíol nó lena ligean ar cíos