Baile   Maoin   Cánach ar Thithe Folmha (CTF)  

Díolúintí Cánach ar Thithe Folmha (CTF)

  1. Léargas ginearálta
  2. Maoine sa chás go bhfuil an t-úinéir tar éis bás a fháil
  3. Maoine inar eisíodh Deonú Ionadaíochta
  4. Maoine a mhargaítear go gníomhach lena ndíol nó lena ligean ar cíos
  5. Maoine atá faoi réir Orduithe Cúirte áirithe
  6. Maoine a rinneadh oibreacha struchtúracha orthu
  7. Maoin neamháitithe mar gheall ar bhreoiteacht úinéara

Maoine sa chás go bhfuil an t-úinéir tar éis bás a fháil

Féadfaidh maoin a bheith díolmhaithe ón gCáin ar Thithe Folmha (CTF) más rud é:

  • go bhfuair an t-úinéir bás le linn na tréimhse inmhuirir nó sa tréimhse 12 mhí roimh sin
  • agus
  • d'áitigh an t-úinéir an mhaoin mar an t-aon áit chónaithe nó mar phríomháit chónaithe díreach roimh a mbás.

Ní mór an díolúine a éileamh i do Thuairisceán CTF do gach tréimhse inmhuirir infheidhme.

  • Sampla 1

    Chónaigh Neasa ina teach dhá sheomra leapa ar feadh beagnach 20 bliain sular bhásaigh sí i mí na Nollag 2021. Ba é an teach an t-aon áit chónaithe a bhí aici, agus tá sé folamh ó bhásaigh sí. D'fhág Neasa a maoin ar fad ina huacht ag a nia Colm. Níor thóg Colm Deonú Probháide amach, áfach, chun a eastát a riaradh. Ní raibh teach Neasa in úsáid mar áit chónaithe ar feadh 30 lá ar a laghad sa tréimhse inmhuirir, 1 Samhain 2022 go 31 Deireadh Fómhair 2023. Mar sin féin, tharla bás Neasa sa tréimhse 12 mhí roimh an tréimhse inmhuirir sin. Ciallaíonn sé seo go bhféadfaidh Colm díolúine ó CTF a éileamh don teach don tréimhse inmhuirir sin.

  • Sampla 2

    Bhí cónaí ar Sheán i dteach ceithre sheomra leapa i gceantar tuaithe don chuid is mó dá shaol. Nuair a bhog a pháistí amach as an maoin sin, cheannaigh Seán árasán i mbaile mór. Bhí sé ina chónaí san árasán seo ar feadh dhá bhliain go dtí go ndeachaigh a shláinte in olcas agus bhog sé go dtí ionad cúraim. Fuair Seán bás ar an 17 Samhain 2021.

    Nuair a d'éag sé, bhí árasán Sheáin agus an teach ceithre sheomra leapa folamh. Níorbh é an teach ceithre sheomra leapa príomháit chónaithe Sheáin ag am a bháis. Ní bheidh sé in úsáid mar áit chónaithe ar feadh 30 lá nó níos mó le linn na dtréimhsí inmhuirir seo a leanas:

    - 01 Samhain 2022 – 31 Deireadh Fómhair 2023

    agus

    - 01 Samhain 2023 – 31 Deireadh Fómhair 2024.

    Má leanann an teach de bheith folamh, ní fhéadtar aon díolúine ó CTF a éileamh i leith an tí agus tiocfaidh muirear ar CTF aníos. Ba é an t-árasán an t-aon áit chónaithe nó an phríomháit chónaithe a bhí ag Seán tráth a bháis. Féadtar díolúine ó CTF a éileamh i leith an árasáin do na tréimhsí inmhuirir thuasluaite.

Ar aghaidh: Maoine inar eisíodh Deonú Ionadaíochta

Foilsithe: 31 Lúnasa 2023 Priontáil an leathanach seo

Leathanach baile Ar ais go barr