Carthanais neamhchónaitheacha
Cén chaoi le hiarratas a dhéanamh ar dhíolúine chánach do charthanais
Ní mór an tuairisceán seo a thíolacadh trí Sheirbhís ar Líne na gCoimisinéirí Ioncaim (ROS) mar seo a leanas:
- Mo Sheirbhísí
- Seirbhísí Eile
- Ríomh-Iarratais Carthanas agus Comhlachtaí Spóirt
leis na doiciméid seo a leanas:
- litir ón Rialálaí Carthanas mura bhfuil Uimhir Cláraithe Carthanais (UCC) riachtanach
- cóip de bhunreacht do charthanais
- ráiteas i leith gníomhaíochtaí do charthanais go dtí seo, agus a chuid pleananna do na 12 mhí amach anseo
- an tuarascáil bhliantúil is deireanaí de chuid do charthanais
- na ráitis airgeadais is deireanaí de chuid do charthanais
- mionnscríbhinn comhlánaithe ag an gcisteoir, iontaobhaí nó aon ghníomhaire údaraithe go cuí
- agus
- litir um chónaitheacht ó údarás cánach do charthanais.
Féadfaidh Aonad na nDíolúintí Carthanas agus Spóirt na Coimisinéirí Ioncaim doiciméid bhreise a iarraidh chun tacú le d'iarratas.
Má éiríonn le d'iarratas, deonóidh na Coimisinéirí Ioncaim díolúine ó cháin.
Féadfaidh sé go mbeidh do charthanas incháilithe chun an Scéim Tabhartas Carthanúil a oibriú nuair a bheidh do dhíolúine cánach bronnta ort ar feadh dhá bhliain ar a laghad.
Cén teanga ba chóir duit a úsáid?
Ní mór na doiciméid iarratais agus tacaíochta a bheith i nGaeilge nó i mBéarla, is é sin teangacha oifigiúla an Stáit. Ba chóir na cuntais a thíolactar a bheith in Euro.
Ar aghaidh: Coinníollacha i leith díolúine chánach a choinneáil