Faoiseamh cánach ar thabhartais chuig comhlachtaí áirithe spóirt

Céard is tionscadal cháilitheach ann?

Féadfaidh Comhlachtaí Rialaithe Náisiúnta (CRNanna) faoiseamh cánach ar thabhartais a éileamh sa chás go gcaitear an t-ioncam a fhaightear i leith tionscadail cháilitheach.

Féadann ceann amháin, nó níos mó, de na nithe seo a leanas a bheith i gceist le tionscadal cáilitheach:

  • Trealamh atá incháilithe faoi Chiste Saoráidí Spóirt Pobail a cheannach.
  • Bearta a thacaíonn le scoth-lúthchleasaithe.
  • Rannpháirtíocht na mban sa spórt a chur chun cinn.
  • Rannpháirtíocht i spórt ag daoine faoi mhíchumas a chur chun cinn.

Má cheadaítear é, eiseoidh an Roinn Cultúir, Cumarsáide agus Spóirt deimhniú le uimhir tionscadail cháilitheach chuig an CRN.

Féadfaidh an tAire Cultúir, Cumarsáide agus Spóirt deimhniú a chealú. Ní cháileoidh aon síntiús a fhaightear tar éis an chealaithe d'fhaoiseamh cánach.

Ar aghaidh: Cé a fhéadann an faoiseamh cánach a éileamh?