Faoiseamh cánach ar thabhartais chuig comhlachtaí áirithe spóirt
Céard iad na taifid nach mór do chomhlacht ceadaithe spóirt a choinneáil?
Mar chomhlacht ceadaithe spóirt, ní mór:
- cuntas bainc ar leithligh a oscailt chun gach tabhartas a thaisceadh ann
- taifid agus cuntais chuí airgeadais a choinneáil
- cuntais iniúchta a choinneáil má tá d’ioncam os cionn €250,000 sa bhliain.
Ní mór duit chomh maith tuairiscí bliantúla i leith dul chun cinn a chur faoi bhráid an Aonaid Spóirt sa Roinn Turasóireachta, Cultúr, Ealaíon, Gaeltachta, Spóirt agus Meán. Tá an chéad tuairisc dlite aon bhliain ó dháta na litreach ceadaithe.
Ba chóir an méid seo a leanas a bheith sa tuairisc:
- achoimre ar an obair atá curtha i gcrích ar an tionscadal ceadaithe
- sonrú ar an amchlár do na hoibreacha atá fágtha
- liosta de na tabhartais uile a fuarthas sa bhliain roimhe seo.
Ba chóir go mbrisfí an liosta tabhartas cuí síos sna méideanna a fuarthas ó na daoine seo a leanas:
Ní mór na tuarascálacha thuas a chur ar fáil d’Aonad na nDíolúintí Carthanas agus Spóirt nuair a iarrtar iad.