Comhlíontacht chomhoibríoch
Céard iad na buntáistí a bhaineann le comhlíontacht chomhoibríoch?
Tá buntáistí do cháiníocóirí agus do na Coimisinéirí Ioncaim araon nuair a ghlactar páirt i bpróiseas an Chomharchreata Comhlíontachta (CCF).
Maidir leis an gcáiníocóir, áirítear na buntáistí seo a leanas:
- Tuiscint níos fearr a bheith ag na Coimisinéirí Ioncaim faoin gcaoi a n-oibríonn do ghnóthas
- an difríocht a aithint idir cinntí tiomanta ag gnó agus cinntí tiomanta ag cánachas, agus dá bhrí sin, míthuiscintí féideartha a íoslaghdú
- caidreamh a bheith agat linn atá bunaithe ar iontaoibh, comhthuiscint, oscailteacht agus trédhearcacht
- éascaíocht rochtana do Chásbhainisteoirí tiomnaithe chun míthuiscintí a réiteach agus mórfhadhbanna práinneach a thabhairt ar aghaidh
- cainéal oscailte cumarsáide chun teagmháil a dhéanamh leis na Coimisinéirí Ioncaim chun tuairim na gCoimisinéirí Ioncaim i ndáil le cúrsaí sonracha a bhaineann le cáin a fháil
- an fhéidearthacht a bhaineann le costais laghdaithe chomhlíontachta
- níos lú idirghabhálacha iniúchtaí agus comhlíontachta ó na Coimisinéirí Ioncaim
- cinnteacht níos fearr i dtaca le neamhchosaint cánach
- agus
- an deis a bheith agat solas a chaitheamh ar fhadhbanna leis an gcód cánachais nó lena riar atá tionchar acu ar an nGrúpa.
Maidir leis na Coimisinéirí Ioncaim, áirítear na buntáistí seo a leanas:
- caidreamh a bheith leis an nGrúpa atá bunaithe ar iontaoibh, comhthuiscint, inrochtaineacht, oscailteacht agus trédhearcacht
- a bheith in ann tuar a dhéanamh le muinín réasúnach cén cineál dearcaidh a bheith agat i leith ceisteanna cánach
- tuiscint níos fearr a bheith againn ar gnóthas an ghrúpa
- éascaíocht rochtana do chinnteoirí laistigh den Ghrúpa chun cúrsaí práinneach a thabhairt ar aghaidh
- cinnteacht níos fearr i dtaca le híocaíochtaí cánach a thuar
- léargais ghnó a fháil chun bonn eolais a chur faoi chomhráite ar an gcód cánach agus a riar
- iontaoibh i cruinneas agus tráthúlacht na dtuairisceán chánach agus na n-íocaíochtaí cánach
- agus
- costais riarachán laghdaithe.
Léiríonn grúpaí de chuid an CCF trí theagmháil a dhéanamh leis na Coimisinéirí Ioncaim nach bhfuil gá leiniúchtaí agus imscrúduithe. Ligeann sé seo do na Coimisinéirí Ioncaim díriú níos mó ar iniúchtaí, imscrúduithe agus fhorghníomhú do na cásanna is mó riosca.
Ar aghaidh: Cén chaoi a n-oibríonn an chomhlíontacht chomhoibríoch