Dlúthchuideachtaí

Ús a íocadh le stiúrthóirí agus le comhlaigh

Caitear le hús a íocann dlúthchuideachta (sa bhreis ar ráta sonraithe) le stiúrthóirí nó lena gcomhlaigh mar dháileadh. Clúdaítear freisin ús a íoctar le stiúrthóirí nó lena gcomhlaigh i gcuideachta a rialaíonn nó atá á rialú ag an dlúthchuideachta. Is é an ráta úis sonraithe ná 13% in aghaidh na bliana.

Ní mór don stiúrthóir agus, nó dá gcomhlaigh, leas ábhartha a bheith acu sa dlúthchuideachta, nó sa chuideachta a rialaíonn an dlúthchuideachta. Is éard is leas ábhartha ann ná úinéireacht thairbhiúil, ná rialú, ar níos mó ná 5% de ghnáthscaireanna na cuideachta.

Ní féidir leis an gcuideachta asbhaint a ghlacadh as an dáileadh agus a dliteanas Cánach Corparáide (CT) á ríomh. D'fhéadadh sé a bheith riachtanach don chuideachta Cáin Iarchoimeádta Díbhinne (CID) a asbhaint ón dáileadh.

  • Sampla

    Is deirfiúr í Laura le stiúrthóir i ndlúthchuideachta. Rialaíonn an stiúrthóir 30% de na gnáthscaireanna. Cuireann Laura iasacht €100,000 ar fáil don chuideachta agus gearann sí ús bliantúil 20%.

    Is comhlach í Laura le stiúrthóir a bhfuil leas ábhartha aici sa chuideachta. Caitear leis an méid ús a íocann an chuideachta sa bhreis ar 13% mar dháileadh.

    Ríomh an dáileadh
    Cur síosLuach

    Méid a chaitear leis mar dháileadh 

    		 €7,000

    Méid nach gcaitear leis mar dháileadh

    		 €13,000

    Ús iomlán íoctha

    		 €20,000

Ar aghaidh: Iasachtaí do rannpháirtithe agus comhlaigh

Foilsithe: 19 Samhain 2025 Priontáil an leathanach seo

Siar chuig leathanach baile Ar ais go barr