Dlúthchuideachtaí
Formhuirear ar ioncam neamhdháilte
Bíonn dlúthchuideachtaí faoi réir mhuirir bhreise i leith Cánach Corporáide (CC). Cuirtear formhuirear ag ráta 20% i bhfeidhm ar ioncam iarchánach eastát agus infheistíochta neamhdháilte i gcás dlúthchuideachtaí. Laghdaítear an formhuirear má dháiltear ioncam na cuideachta laistigh de 18 mí ó dheireadh na tréimhse cuntasaíochta inar tháinig an t-ioncam chun cinn.
Áirítear leis an ioncam atá faoi réir an fhormhuirir an méid seo a leanas:
- ioncam ó chíos
- ús
- ioncam ó dhíbhinní.
Tá cuideachta thrádála i dteideal a hioncam iarchánach eastát agus infheistaíochta indáilte a laghdú faoi 7.5%.
Bailítear an formhuirear do tréimhse chuntasaíochta mar chuid de dhliteanas CC don tréimhse chuntasaíochta ina dhiaidh sin. Ní mór é seo a thuairisciú ar an Tuairisceán CT1.
Eisiaimh
Tá feidhm le díolúine sa chás gurb é €2,000 nó níos lú an farasbarr ón ioncam eastát agus infheistíochta indáilte thar na dáiltí a dhéanann an chuideachta.
Féadfaidh dlúthchuideachta dáileadh a dhéanamh ar dlúthchuideachta eile. Sa chás seo, is féidir leis an dá chuideachta toiliú a thabhairt i gcomhpháirt neamhaird a dhéanamh ar an dáileadh chun críche an fhormhuirear a ríomh. Ní mór don dá chuideachta an toiliú a chur san áireamh ar a dTuairisceán CC don tréimhse chuntasaíochta cuí.
- Sampla 1
Tá ioncam cíosa €60,000 ag dlúthchuideachta agus brabúis thrádála nialasach aici don tréimhse chuntasaíochta. Fógraíonn sí, agus íocann sí, díbhinn €31,625 maidir leis an tréimhse chuntasaíochta. Ríomhtar an dliteanas formhuirir mar a leanas:
|
Cur síos
|
€
|
|
Ioncam eastáit agus infheistíochta
|
60,000
|
|
Lúide Cáin Chorparáide @ 25%
|
(15,000)
|
|
|
45,000
|
|
laghdú 7.5% do chuideachta thrádála
|
(3,375)
|
|
Ioncam eastáit agus infheistíochta indáilte
|
41,625
|
|
Lúide dáiltí a rinneadh
|
(31,625)
|
|
Farasbarr
|
10,000
|
|
Formhuirear @ 20%
|
2,000
|
Sampla 2
Faigheann dlúthchuideachta ioncam díbhinní Éireannach de €50,000 le linn tréimhse chuntasaíochta. Ní cuideachta thrádála í an chuideachta. Tá an t-ioncam infheistíochta marcáilte díolmhaithe ó CC.
Mar sin féin, mura ndáileann an chuideachta an t-ioncam seo laistigh de 18 mí ó dheireadh na tréimhse cuntasaíochta, cuirfear formhuirear i bhfeidhm. Mura ndéantar dáileadh, is é a formhuirear dlite ná €10,000 (cothrom le €50,000 x 20%).
Mar mhalairt air sin, d'fhéadfadh an chuideachta díbhinn €30,000 a íoc laistigh de 18 mí ó dheireadh na tréimhse cuntasaíochta ina dhiadh sin. Mura ndéantar dáileadh, is é an fhormhuirear dlite ná €4,000 (cothrom le (€50,000 - €30,000) x 20%). Ní mór an dliteanas seo a íoc agus a thuairisciú ar thuairisceán cánach na tréimhse cuntasaíochta ina dhiaidh sin.
Má íocann an chuideachta díbhinn idir €48,000 agus €50,000 laistigh de 18 mí ó dheireadh na tréimhse cuntasaíochta, ní thagann aon fhormhuirear chun cinn. Tá sé seo amhlaidh toisc go bhfuil an farasbarr cothrom le €2,000, nó níos lú.
Formhuirear ar chuideachtaí seirbhíse gairmiúla
Tá dlúthchuideachtaí 'seirbhíse' faoi dhliteanas formhuirir 15% ar leath dá n-ioncam trádála neamhdháilte.
Is sampla de chuideachta seirbhíse ná dlúthchuideachta atá i mbun gairme nó a sholáthraíonn seirbhísí gairmiúla. Áirítear mar chuideachta seirbhíse freisin dlúthchuideachta a fheidhmíonn oifig nó fostaíocht. Ní mór don chuid is mó d'ioncam na cuideachta, atá incháinithe faoi Chás I/II de Sceideal D agus Sceideal E, teacht ó na gníomhaíochtaí sin.
I measc samplaí de ghníomhaíochtaí gairmiúla tá gníomhaíochtaí a dhéanann dochtúir, fiaclóir, ailtire, dlíodóir, cuntasóir, achtúire, aisteoir, ríomhchláraitheoir, nó innealtóir.
Ar aghaidh: Costais do rannpháirtithe agus do chomhlaigh