Trádálaithe Ola Mianra

Tuairisceán gluaiseachtaí ola (ROM1)

Ní mór do shealbhóirí:

• an Cheadúnais Trádálaí Breosla Mótair (CTBMó)
• agus, nó
• an Cheadúnais Trádálaí Breosla Mharcáilte (CTBMa)

Tuairisceán Míosúil Gluaiseachtaí Ola (ROM1) a dhéanamh leis na Coimisinéirí Ioncaim. Ní mór an tuairisceán seo a thíolacadh trí Sheirbhís ar Líne na gCoimisinéirí Ioncaim (ROS).

Is iad na roghanna atá ar fáil do thrádálaithe chun an ROM1 a thíolacadh ná:

• ROS ar líne
• ROS as líne
• nó
• bogearra inmheánach a úsáid a chloíonn le Revenue schema.

Ní mór do thrádálaithe an Tuairisceán ROM1 a thíolacadh faoin 25ú lá den mhí tar éis na tréimhse tuairiscithe. Ní mór an t-eolas seo a leanas a áireamh ar an ROM1:

• Iarmhéid tosaigh de réir chineál an táirge.
• Iarmhéid dúnta de réir chineál an táirge.
• Gach gluaiseacht isteach de réir chineál an táirge, an dáta, an chainníocht, an sonrasc agus an soláthraí (agus tagairt an Cheadúnais nó an uimhir CBL á lua).
• Gach gluaiseacht amach de réir chineál an táirge, an dáta, an chainníocht, an sonrasc, an custaiméir (agus tagairt an Cheadúnais nó an uimhir CBL á lua) agus sonraí comhiomlána do dhíolacháin réamhchúirte.
• agus
• Díolacháin chomhiomlána de réir chineál an táirge ola le haghaidh:
  • custaiméirí baile
  • agus
  • custaiméirí tráchtála a fhaigheann níos lú ná 2,000 lítear sa mhí agus nach n-iarrtar orthu a bheith ceadúnaithe.

Tíolaic Tuairisceán Gluaiseachtaí Ola (ROM1)

Leis an tseirbhís Tuairisceáin Gluaiseachtaí Ola, féadtar tuairisceán gluaiseachtaí ola (Foirm ROM1) a chomhlánú ar líne. Ní mór duit d’Fhoirm 11 mhíosúil a thíolacadh trí Sheirbhís ar Líne na gCoimisinéirí Ioncaim (ROS).

Cé dó an tseirbhís seo?

Tá an tseirbhís seo ann d’aon duine a n-iarrtar orthu ROM1 míosúil a chomhlánú, lena n-áirítear:

• coimeádaithe stórais údaraithe
• dáileoirí
• agus
• miondíoltóirí réamhchúirte garáiste.

Cén chaoi le teacht ar an tseirbhís

Féadtar teacht ar an tseirbhís seo trí ROS ach na céimeanna seo a leanúint:

• Cliceáil ar an rannán 'Mo Sheirbhísí' ó phríomhroghchlár ROS.
• Cliceáil ar an rannán ‘Tíolaic tuairisceán’.
• Roghnaigh cineál an tuairisceáin ‘Ceadúnas Máil’ agus ‘Tuairisceán ROM1’.
• Cliceáil ar ‘Tíolaic Tuairisceán’.

Féach ar an bhfíseán céim ar chéim ar conas ROM1 a thíolacadh do dháileoirí:

Féach ar an bhfíseán céim ar chéim ar conas ROM1 a thíolacadh do mhiondíoltóirí réamhchúirte:

Má theastaíonn cabhair uait leis an gclárúchán ROS, féadtar ceann de na roghanna seo a leanas a úsáid:

• seol ríomhphost chuig roshelp@revenue.ie.
• Déan teagmháil leis an Deasc Chabhrach ROS ar 01 738 3699.

Ar aghaidh: Soláthar nó seachadadh meargánta breosla mharcáilte