DAC9/GIR
Oibleagáidí tuairiscithe an Tuairisceáin Faisnéise Cánach Breisiúcháin (TIR)
Ní mór do gach eintiteas atá faoi raon feidhme rialacha Cholún a Dó Tuairisceán Faisnéise Cánach Breisiúcháin (TIR) a thíolacadh do na Coimisinéirí Ioncaim.
Ní mór an TIR a thíolacadh tráth nach déanaí ná 15 mhí tar éis dheireadh gach bliana fioscach. Cuirtear síneadh leis an tréimhse sin go 18 mí don chéad bhliain fhioscach a bhfuil an t-eintiteas faoi raon feidhme. Baineann na hamlínte céanna le dlínsí eile ina gcuirtear rialacha Cholún a Dó i bhfeidhm.
Tabhair do d’aire
Tugtar Tuairisceán Faisnéise i gcoinne Chreimeadh an Bhoinn (GloBE) ar an TIR freisin. Luaitear an téarma seo GloBE Information Return (GIR) i rialacha samhla Cholún a Dó ag an Eagraíocht um Chomhar agus Forbairt Eacnamaíochta (OECD).
Tá ceithre bhealach ann d'eintiteas a n-oibleagáid tíolachta TIR a chomhlíonadh:
- Déanann gach comheintiteas den ghrúpa Fiontar Ilnáisiúnta (FIN) atá lonnaithe in Éirinn TIR a thíolacadh do na Coimisinéirí Ioncaim.
- Féadfaidh comheintiteas eintiteas áitiúil ainmnithe a cheapadh chun an TIR a ullmhú agus a thíolacadh do na Coimisinéirí Ioncaim ar a shon. Ní fhéadtar níos mó ná eintiteas amháin i ngrúpa FIN nó i ngrúpa mórscála intíre a cheapadh mar eintiteas áitiúil ainmnithe.
- Tíolacann an máthaireintiteas deiridh an TIR nó an GIR le húdarás cánach i ndlínse eile.
- Tíolacann eintiteas tíolactha ainmnithe (DFE) an TIR nó an GIR le húdarás cánach i ndlínse eile.
Ní mór d'einititeas atá ag tíolacadh TIR nó GIR i ndlínse eile a chinntiú:
Tá an fhaisnéis seo a leanas foilsithe ag an ECFE chun faisnéis a chur ar fáil d'eintitis laistigh den raon feidhme maidir leis an TIF:
Le haghaidh tuilleadh eolais maidir leis and TIR, féach ar Tuairisceán Faisnéise Cánach Breisiúcháin (TIR).
Ar aghaidh: Conas Tuairisceán Faisnéise Cánach Breisiúcháin (TIR) a thíolacadh