Is forbróir maoine í Cuideachta M a bhíonn i mbun trádála forbartha maoine ábhartha. Bhí tréimhse chuntasaíochta 12 mhí aici ón 1 Eanáir 2025 go 31 Nollaig chomh maith le tréimhse chuntasaíochta naoi mí ón 1 Eanáir 2026 go 30 Meán Fómhair 2026.
Go dtí Meán Fómhair 2026, tabhaíonn Cuideachta M €500,000 de chaiteachas incháilithe ar thógáil forbarthha críochnaithe amháin (block árasán 1), atá ina bhloc árasán cáilitheach ina bhfuil 10 n-árasán agus le €1,500,000 de chaiteachas incáilithe maidir le dara forbairt chríochnaithe a thógáil (bloc árasán 2), atá ina bhloc árasán cáilitheach freisin ina bhfuil 10 n-árasán.
Taisctear an deimhniú comhlíontachta ar chríochnú ábhartha don dá bhloc árasán leis an údarás áitiúil ábhartha ar an 1 Meán Fómhair 2026.
Is í Cuideachta M úinéir thairbhiúil i leith 50% de na forbairtí críochnaithe ar an dáta ábhartha. Féadfaidh Cuideachta M éileamh ar asbhaint fheabhsaithe a dhéanamh don tréimhse chuntasaíochta dar críoch 30 Meán Fómhair 2026, arb í an tréimhse chuntasaíochta ábhartha í.
Ríomhtar an asbhaint fheabhsaithe do bhloc árasán 1 mar seo a leanas:
1. Ríomh na hasbhainte feabhsaithe: €500,000 at 25% = €125,000
2. Fíoraigh nach sáraíonn an méid a chinntear an teorainn: ríomhtar an teorainn mar seo a leanas: 10 × €50,000 at 50% = €250,000
Tá an méid arna ríomh faoi chéim (2) níos mó ná an méid arna ríomh faoi chéim (1). Is é €125,000 an asbhaint fheabhsaithe.
Ríomhtar an asbhaint fheabhsaithe do bhloc árasán 2 mar seo a leanas:
1. Ríomh na hasbhainte feabhsaithe: €1,500,000 at 25% = €375,000
2. Fíoraigh nach sáraíonn an méid a chinntear an teorainn: ríomhtar an teorainn mar seo a leanas: 10 × €50,000 at 50% = €250,000
Tá an méid arna ríomh faoi chéim (2) níos lú ná an méid arna ríomh faoi chéim (1). Is é €250,000 an asbhaint fheabhsaithe.
San iomlán féadfaidh Cuideachta M asbhaint fheabhsaithe €375,000 a éileamh. I gcás ina bhfuil brabúis incháinithe trádála Chuideachta M níos lú ná €375,000 don thréimhse dar críoch an 30 Meán Fómhair 2026, féadtar faoiseamh a éileamh i leith caillteanais a eascraíonn ón asbhaint fheabhsaithe faoi na gnáthrialacha maidir le caillteanais trádála.