Asbhaint Fheabhsaithe do chaiteachas incháilithe tógála

Caiteachas incháilithe

Tá an asbhaint fheabhsaithe ar fáil le haghaidh caiteachais incháilithe a thabhaítear ar fhorbairt chríochnaithe. Áirítear leis seo:

• an caiteachas tógála a tabhaíodh i leith bloc árasán cáilitheach nua-thógtha
• an caiteachas athchóirithe cáilitheach a tabhaíodh agus a d'fhág athrú ábhartha ar an gcaoi a úsáidtear foirgneamh nó struchtúr. Áirítear leis an gcaiteachas a thabhaítear ar athchóiriú cáilitheach:
  • tógáil, atógáil, athchóiriú, deisiú nó athnuachan an fhoirgnimh nó an struchtúir
  • agus
  • uasghrádú ar shaoráidí uisce, séarachais, nó téimh an fhoirgnimh nó an structúir.

D'fhéadfadh caiteachas a bheith incháilithe le haghaidh faoisimh má thabhaítear é suas go dtí an dáta a thíolactar an Deimhniú Comhlíontachta ar Chríochnú ábhartha.

Níl an asbhaint fheabhsaithe ar fáil i leith caiteachais chaipitil nó caiteachais neamh-incháilithe.

Caiteachas neamh-incháilithe

Ní cháilíonn na costais seo a leanas d'fhaoiseamh:

• costais airgeadais
• costais árachais
• táillí gairmiúla agus dlí
• costais díolacháin agus margaíochta
• cánacha, dleachtanna, tobhaigh, nó muirir faoi chúram agus faoi bhainistíocht na gCoimisinéirí Ioncaim
• aon talamh a fháil, nó cearta in aon talamh nó thar aon talamh
• agus
• tobhaigh, táillí, muirir, nó ranníocaíochtaí a fhorchuirtear le haon achtachán i leith na forbartha críochnaithe, lena n-áirítear:
  • ranníocaíochtaí forbartha
  • táillí ceangail fóntais
  • tobhaigh chomhshaoil
  • táillí iarratais phleanála
  • táillí rialaithe foirgníochta
  • nó
  • táillí rátála fuinnimh foirgníochta.

Ar aghaidh: Cé atá in ann faoiseamh a éileamh?