Asbhaint Fheabhsaithe do chaiteachas incháilithe tógála

Cé atá in ann faoiseamh a éileamh?

Féadfaidh duine ábhartha a thabhaíonn caiteachas incháilithe i leith forbartha críochnaithe, an asbhaint fheabhsaithe a éileamh.

Is duine ábhartha cuideachta gur:

• forbróir maoine atá inti
• nó
• conraitheoir ábhartha atá inti.

Forbróir Maoine

Is cuideachta í forbróir maoine a fhorbraíonn forbairt chríochnaithe le linn trádála forbartha maoine ábhartha.

Is éard is trádáil ábhartha forbartha maoine ann ná trádáil:

• nach bhfuil ina trádáil eiscthe
• agus
• atá comhdhéanta go hiomlán nó den chuid is mó de thógáil nó athchóiriú foirgnimh nó struchtúr d’fhonn iad a dhíol.

Ní mór do chuideachtaí úinéireacht thairbhiúil a bheith acu ar an bhforbairt chríochnaithe ar an dáta a chuirtear an Deimhniú Comhlíontachta ar Chríochnú na forbartha faoi bhráid an údaráis áitiúil.

Féadfaidh forbróir maoine an asbhaint fheabhsaithe a éileamh i gcoinne brabúis a thrádála forbartha maoine ábhartha.

Conraitheoir ábhartha

Is éard is conraitheoir ábhartha ann ná cuideachta:

• a fhorbraíonn forbairt chríochnaithe le linn trádála cáilithe faoi théarmaí conartha le húinéir tairbhiúil na forbartha críochnaithe
• agus
• a bhfuil Foirm Dhearbhaithe Ábhartha sínithe ón úinéir tairbhiúil ábhartha ina seilbh.

Is éard is trádáil cháilitheach ann ná trádáil:

• nach trádáil eiscthe í
• agus
• atá comhdhéanta go hiomlán nó den chuid is mó de thógáil nó athchóiriú foirgnimh nó struchtúr.

Féadfaidh conraitheoir ábhartha an asbhaint fheabhsaithe a éileamh i gcoinne brabúis a thrádála cáilithe.

Ar aghaidh: Foirm Dearbhaithe Ábhartha