Cén chaoi le Tuairisceán Cánach Ioncaim ÍMAT a thíolacadh

Achoimre Sonraí Fostaíochta

Cuimsíonn d'Achoimre Sonraí Fostaíochta do phá agus d'asbhaintí reachtúla don bhliain roimhe sin mar a thuairiscigh d'fhostóir nó do sholáthraí pinsin.

Tabhair do d’aire

Cuireadh an Achoimre Sonraí Fostaíochta in ionad an P60 ó 2019 i leith. 

Féadtar teacht ar d'Achoimre Sonraí Fostaíochta tríd an nasc 'Féach ar do dhoiciméid Achoimre Sonraí Fostaíochta (SCF)' sa rannán 'Seirbhísí ÍMAT' de moChúrsaí.

Féadtar PDF den Achoimre Sonraí Fostaíochta a chruthú le féachaint air nó le priontáil más gá. Féadtar an doiciméad a úsáid mar chruthúnas ar ioncam do thríú páirtithe chomh maith.

An chaoi le féachaint ar d’Achoimre Sonraí Fostaíochta

Chun féachaint ar d’Achoimre Sonraí Fostaíochta, sínigh isteach ar moChúrsaí ar revenue.ie agus déan na céimeanna seo a leanas a leanúint:

1. Roghnaigh an nasc 'Féach ar do dhoiciméid Achoimre Sonraí Fostaíochta (ASF)' sa rannán 'Seirbhísí ÍMAT'.
2. Roghnaigh an bhliain chánach a dteastaíonn an Achoimre Sonraí Fostaíochta uait ina leith agus cliceáil ar 'Cruthaigh ASF'.
3. Chun leagan PDF de d’Achoimre Sonraí Fostaíochta a chruthú, roghnaigh ‘Cruthaigh Doiciméad’.
4. Más mian leat féachaint ar d’Achoimre Sonraí Fostaíochta, é a phriontáil nó a shabháil, roghnaigh an cnaipe ‘Mo Chuid Doiciméad’.

Ar aghaidh: Réamhráiteas Deireadh Bliana (RRDB)