Liúntas do Mharaithe, Creidmheas Cánach d'Iascairí agus Creidmheas Cánach Pearsanra Cabhlaigh Farraige

Liúntas do Mharaithe

Chun cáiliú don Liúntas do Mharaithe, ní mór duit:

• a bheith ar muir ar feadh 161 lá, ar a laghad, i gcaitheamh na bliana
• tabhairt faoi do chuid oibre go hiomlán ar shoitheach muirghabhála fad agus a bhíonn tú ar thuras idirnáisiúnta
• gan a bheith i d’fhostaí sa tSeirbhís Phoiblí
• gan a bheith tar éis Bonn bliana scoilte a éileamh i leith an ioncaim a thuilltear
• agus
• a bheith ar aistear a thosaíonn, nó a chríochnaíonn, i bport taobh amuigh d’Éirinn.

Is éard is soitheach muirghabhála ann ná long (seachas árthach iascaireachta) nach n-úsáidtear ach amháin chun paisinéirí nó lastas a iompar ar mhaithe le híocaíocht. Ní mór é a bheith cláraithe:

• i gclár loingseoireachta de chuid Ballstáit Aontais Eorpaigh (an AE)
• nó
• i gclár comhionann arna rialú ag an Ríocht Aontaithe (RA).

Meastar gur calafort é rige nó ardán atá suite in aon limistéar muirí.

Meastar go bhfuil tú as láthair ó Éirinn ar feadh lae má tá tú as láthair ag meán oíche.

Cé mhéid de liúntas a bhíonn ar fáil?

Tá tú i dteideal liúntas €6,350 a fháil, ar fáil ag do ráta is airde cánach agus cuirtear é seo in aghaidh d’ioncaim mar mharaí. Ní fhéadtar an liúntas a úsáid in aghaidh aon ioncam eile.

Cén chaoi a n-éilítear an liúntas?

Má tá tú i do cháiníocóir Íoca Mar a Thuillir (ÍMAT)

An bealach is tapúla agus is éasca chun an Liúntas do Mharaithe a éileamh ná ár seirbhís ar líne, moChúrsaí, a úsáid. Faigheann formhór na ndaoine a éilíonn an faoiseamh seo ar líne a n-aisíocaíocht chánach, má tá sí dlite, laistigh de chúig lá oibre.

Féadtar moChúrsaí a úsáid chun foirm Cánach Ioncaim a chomhlánú don bhliain ar mian leat éileamh a dhéanamh ina leith.

Éileamh a dhéanamh i leith na bliana reatha

1. Sínigh isteach ar moChúrsaí nó ROS.
2. Cliceáil ar ‘M’Fhiosruithe’.
3. Roghnaigh ‘Cuir Fiosrú Nua Leis’.
4. Ní mór d'úsáideoirí ROS catagóir a roghnú ón roghchláir anuas, faoi 'Baineann an fiosrú le' agus 'Níos beaichte'.
5. Cuir isteach d’fhiosrú sa bhosca ‘Sonraí an Fhiosraithe’.
6. Do sheoladh ríomhphoist a dheimhniú.
7. Cliceáil ar ‘Tíolaic Fiosrú’ chun an próiseas a chur i grích.

Éileamh a dhéanamh do bhliain roimhe seo

1. Sínigh isteach ar moChúrsaí
2. Cliceáil ar an nasc ‘Déan athbhreithniú ar do cháin do na ceithre bliana roimhe’ i seirbhísí ÍMAT.
3. Iarr Ráiteas Dliteanais.
4. Cliceáil ar ‘Comhlánaigh Tuairisceán Cánach Ioncaim’.
5. Comhlánaigh an fhoirm agus tíolaic í.
6. Ar an leathanach ‘Creidmheasanna & Faoisimh Chánach’, roghnaigh ‘Do phost – Liúntas do Mharaithe’ agus cuir leis é mar liúntas.

Má dhéantar measúnú comhpháirteach ort, ní mór don chéile inmheasúnaithe nó don pháirtnéir sibhialta ainmnithe iarratas a dhéanamh.

An chaoi le héileamh a dhéanamh má tá tú faoin mbonn féinmheasúnaithe

Féadtar an creidmheas a éileamh do 2022, 2023, 2024 agus 2025. Féadtar é seo a dhéanamh trí do Thuairisceán bhliantúil Cánach Ioncaim (Foirm 11) a chomhlánú ar Sheirbhís ar Líne na gCoimisinéirí Ioncaim (ROS). Chun an creidmheas a éileamh, comhlánaigh do Thuairisceán Cánach Ioncaim agus lean na céimeanna seo:

1. Sínigh isteach ar ROS.
2. Oscail an scáileán ‘Mo Sheirbhísí Féin’.
3. Cliceáil ar ‘Tíolaic Tuairisceán’.
4. Roghnaigh ‘Cáin Ioncaim ’ ón roghchlár anuas
5. Roghnaigh an bhliain chánach ar mian leat tuairisceán a thíolacadh ina leith.
6. Aimsigh an rannán 'Creidmheasanna Cánach Pearsanta' sa tuairisceán.
7. Roghnaigh 'Liúntas do Mharaithe' agus cuir isteach an fhaisnéis a iarrtar.

Féadtar clárú le haghaidh ROS, mura bhfuil tú cláraithe cheana.

Ar aghaidh: An Creidmheas Cánach d'Iascairí