Baile   Creidmheasanna cánach pearsanta, faoisimh agus díolúintí   Talamh agus maoin  

Faoiseamh i leith Seomra a Ligean ar Cíos

  1. Léargas ginearálta
  2. Céard iad na coinníollacha is gá a chomhlíonadh?
  3. Cén chaoi a gcuirtear an Faoiseamh i leith Seomra a ligean ar Cíos i bhfeidhm?
  4. Cén cineál áit chónaithe a cháilítear?
  5. Cén chaoi a bhfuil tionchar aige ar fhaoisimh agus ar chánacha eile?

Cén cineál áit chónaithe a cháilítear?

Áit chónaithe phríomha nó aonair

Is é d’áit chónaithe phríomha ná an teach ina gcónaíonn tú an chuid is mó den bhliain agus an áit a mbíonn súil ag cairde leis go gcónaíonn tú ann. Ní gá duit bheith i d’úinéir ar an maoin chun faoiseamh a éileamh.

Ní mór don sheomra nó na seomraí bheith i maoin chónaithe atá lonnaithe in Éirinn. Ní mór duit é a úsáid mar do phríomháit chónaithe i rith na bliana cánach.

  • Sampla 1

    Cónaíonn Liam agus Aisling, a ndéantar measúnú comhpháirteach orthu, i maoin ar cíos. Rinneadar cinneadh seomra a ligean ar cíos le mic léinn ollscoile don bhliain acadúil 2022.

    Fuair siad cíos comhlán de €12,000. Ós rud é go raibh an t-ioncam do 2022 níos ísle ná an teorainn díolúine (€14,000 do 2022), bhí feidhm leis an bhFaoiseamh i leith Seomra a Ligean ar Cíos.

Aonad féinchuimsitheach

Féadfaidh aonad féinchuimsitheach laistigh den teach a bheith i gceist leis an seomra nó na seomraí ar cíos, ar nós árasán íoslaigh nó garáiste athchóirithe. Mura bhfuil an t-aonad ceangailte leis an maoin, ní fhéadfaidh sé cáiliú don fhaoiseamh.

  • Sampla 2

    Rinne Dan agus Kate, a ndéantar measúnú ar leithligh orthu chun críocha cánach, áiléar agus garáiste a maoine a athchóiriú chun lóistín a sholáthar do mhic léinn.

    Thosaigh siad ag ligean an dá sheomra athchóirithe. In 2023, fuair siad cíos comhlán €8,000 don áiléar agus €5,000 don gharáiste. Ní raibh an garáiste ceangailte leis an bpríomháit chónaithe agus níor cháiligh sé don Fhaoiseamh i leith Seomra a Ligean ar Cíos. Ós rud é go bhfuair Dan agus Kate 50% de na cíosanna, féadfaidh siad Faoiseamh i leith Seomra a Ligean ar Cíos a éileamh ar a sciar d'ioncam cíosa don seomra áiléir (€4,000 an duine). Tá na cíosanna comhlán €2,500 a fuair siad don gharáiste incháinithe agus ní mór iad a dhearbhú mar ioncam cíosa ina dTuairisceáin Chánach Ioncaim.

Úsáid gnó nó cóiríocht d’aíonna

Ní mór do do thionóntaí an seomra a úsáid ar bhonn fadtéarmach. Ní fhéadfaidh tú faoiseamh a éileamh ar sheomraí a úsáidtear chun críocha tráchtála.

Tabhair do d'aire

Ní cháilíonn fanacht ghearrthéarmach a sholáthraítear trí chóiríocht leaba agus bricfeasta, teach aíochta nó suíomhanna áirithinte-ar-líne a sholáthar d’fhaoiseamh.

Ar aghaidh: Cén chaoi a bhfuil tionchar aige ar fhaoisimh agus ar chánacha eile?

Foilsithe: 06 Nollaig 2024 Priontáil an leathanach seo

Leathanach baile Ar ais go barr