CBL a ghearradh ar earraí

Rialachacha spesialta do sholáthraithe áitribh

Tá oibleagáidí ar sholáthraithe áitribh nuair a sholáthraíonn trádálaithe neamhbhunaithe, nó tionscnóirí neamhbhunaithe earraí nó seirbhísí ar a dtalamh.

Talamh a sholáthraítear do thradálaí neamhbhunaithe

Ní mór do sholáthraí áitribh na Coimisinéirí Ioncaim a chur ar an eolas faoi aon duine neamhbhunaithe a bhfuil ar a intinn aige earraí a sholáthar ar a thalamh ar feadh tréimhse níos lú ná 28 lá i ndiaidh a chéile.

Ní mór do sholáthraí áitribh an fháisnéis seo a leanas a sholáthar tráth nach déanaí ná 14 lá sula bhfuil sé ar intinn ag an duine neamhbhunaithe trádáil ar an talamh:

  • ainm agus seoladh an duine neamhbhunaithe
  • na dátaí a bhfuil sé ar intinn ag an duine neamhbhunaithe earraí a sholáthar ar an talamh
  • seoladh na talún ar a ndéanfar soláthairtí earraí den sórt sin.

Mura gcuirfear na mionsonraí seo ar fáil, féadtar an soláthraí áitribh a chur faoi dhliteanas i gcomhpháirt agus go leithleach i leith aon CBL atá dlite ag an duine neamhbhunaithe seo.

Talamh a sholáthraítear do thionsnóir neamhbhunaithe

Féadfaidh tionscnóir neamhbhunaithe seirbhísí cultúir, ealaíon, siamsaíochta nó a leithéid a sholáthar ar do thalamh. Sa chás seo, ní mór duit, mar atá thuas, an fhaisnéis seo a leanas a sholáthar do na Coimisinéirí Ioncaim tráth nach déanaí ná 14 lá roimh an imeacht:

  • ainm agus seoladh an tionscnóra
  • sonraí an imeachta.

Ar aghaidh: Cén uair nach mbíonn soláthar earraí incháinithe?