CBL a ghearradh ar earraí
Céard iad na rialacha maidir le háit soláthair earraí?
Leis na rialacha ar áit an tsoláthair, cinntítear cibé acu an bhfuil soláthar faoi dhliteanas Cánach Breisluacha (CBL) sa Stát nó nach bhfuil. Is é an riail ginearálta ná go bhfuil soláthairtí earraí sa Stát faoi réir CBL Éireannach.
Tá rialacha difriúla ann maidir le háit an tsoláthair do na cásanna seo a leanas:
Tugtar míniú sa rannán seo ar na rialacha maidir le háit soláthair earraí a soláthraíodh sa Stát.
Le haghaidh tuilleadh eolais ar earraí a sheoltar nó a iompraítear lasmuigh den Stát, bíodh siad iompórtáilte nó easpórtáilte, féach Earraí agus seirbhísí chuig agus ón gcoigríoch.
Earraí nach ndéantar a sheoladh ná a iompar
Is é an áit soláthair ná an áit a bhfuil na hearraí suite ag an am a soláthraítear iad.
- Sampla 1
Ceannaíonn turasóir ón bhFrainc atá ar cuairt go hÉirinn geansaí ó mhiondíoltóir i mBaile Átha Cliath. Eascróidh an CBL Éireannach tráth an cheannacháin, mar is é an áit soláthair an áit a bhfuil na hearraí nuair a cheannaítear iad.
Earraí a bhfuil suiteáil nó cóimeáil i gceist leo
Is é an áit soláthair ná an áit ina suiteáiltear nó ina gcóimeáiltear na hearraí.
- Sampla 2
Fostaíonn comhlacht Éireannach atá cláraithe le haghaidh CBL comhlacht atá bunaithe san AE chun meaisín a sholáthar agus a shuiteáil ina n-áitreabh in Éirinn. Is í Éire an áit soláthair.
Soláthraithe ar bord soithí, aerárthach agus traenacha
Is é an áit soláthair ná an áit a dtosaíonn an t-iompar.
- Sampla 3
Ceannaíonn duine aonair príobháideach roinnt earraí agus iad ag taisteal ar bhád farantóireachta go dtí an Bhriotáin a fhágann ó phort Ros Láir. Is é an áit soláthair chun críocha CBL ná an áit a dtosaíonn an t-iompar. Dá bhrí sin, tá CBL Éireannach iníoctha ar an soláthar sa chás seo. Ar an turas fillte ón mBriotáin, tá CBL Francach iníoctha ar na hearraí a cheannach.
Soláthar gáis nádúrtha nó leictreachais
I gcás go soláthraítear gás nádúrtha nó leictreachas do dhéileálaí incháinithe, is é an áit soláthair ná an áit a bhfuil gnóthas an déileálaí incháinithe.
Ní hionann cás soláthairtí gáis nádúrtha agus leictreachais do chustaiméir seachas déileálaí incháinithe. Is é an áit soláthair ná an áit a n-úsáideann agus a dtomhlaíonn an custaiméir é. Go bunúsach, is é seo an áit a bhfuil an méadar suite.
Mura bhfuil an gás nádúrtha nó an leictreachas tomhailte go hiomlán ag an gcustaiméir meastar chun críocha CBL go bhfuil sé tomhailte acu.
Le haghaidh tuilleadh eolais féach Lámhleabhar Cánach agus Dleachta (TDM) fhrithmhuirear CBL - gás, leictreachas, agus deimhnithe gáis agus leictreachais.
Ar aghaidh: Earraí a chuirtear chun críocha úsáid phríobháideach nó dhíolmhaithe (féinsholáthar)