Ordú Eisiaimh Íoca mar a Thuillir (ÍMAT) arna eisiúint ag na Coimisinéirí Ioncaim

Conas iarratas a dhéanamh ar Ordú Eisiaimh ÍMAT

Féadtar iarratas a dhéanamh chuig na Coimisinéirí Ioncaim chun Ordú Eisiaimh ÍMAT a éisiúint má tá gach ceann díobh seo a leanas i gceist:

  • Is fostóir Éireannach thú.
  • Comhlíonann d'fhostaí dualgais uile a bhfostaíochta thar lear.
  • Beidh d'fhostaí neamhchónaitheach in Éirinn chun críocha cánach le linn na bliana cánach.

Féadfaidh d'fhostaí dualgais theagmhasacha a chomhlíonadh in Éirinn ar feadh sus go dtí 30 lá sa bhliain agus cáiliú fós.

Pinsean ceirde a íoc le hiarfhostaí neamhchónaitheach

Ní mór d'fhaighteoir neamhchónaitheach an phinsin ceirde (ní an fostóir) iarratas a dhéanamh ar an Ordú Eisiaimh ag baint úsáide as a nUimhir Phearsanta Seirbhíse Poiblí (UPSP) féin.

Céard is gá duit a sholáthar do na Coimisinéirí Ioncaim?

Ní mór duit an fhaisnéis seo a leanas faoi d'fhostaí a sholáthar do na Coimisinéirí Ioncaim:

  • A n-ainm.
  • A UPSP.
  • Litir ina sonraítear an tréimhse ama a bheidh siad ag obair thar lear.
  • An tír ina mbeidh siad ag obair.
  • A seoladh eachtrach.

Cén chaoi le hiarratas a dhéanamh

Tá ríomh-thairseach ar fáil le haghaidh Orduithe Eisiaimh ÍMAT. Féadtar iarratas a dhéanamh ar líne trí Sheirbhís ar Líne na gCoiminéirí Ioncaim (ROS) nó trí moChúrsaí. Tá tuilleadh eolas ar fáil in san Guide to completing the online PAYE Exclusion Order application.

I gcás Ordú Eisiaimh ÍMAT maidir le fostaí atá ar iasacht thar lear, ba chóir duit a chinntiú go ndeimhnítear san iarratas na dátaí cruinne a bheidh an fostaí ag obair lasmuigh den Stát. Cabhróidh sé seo le hinfheidhmeacht an iarratais a chinneadh.

Ós rud é gur treoir phárolla é Ordú Eisiaimh ÍMAT, tá fostaíocht chláraithe le Aitheantas Fostaíochta de dhíth chun iarratas a dhéanamh.  Ní mór duit na céimeanna seo a leanas a leanúint:

  1. Sínigh isteach ar ROS.
  2. Téigh chuig an rannán 'seirbhísí eile'.
  3. Roghnaigh 'Ordú Eisiaimh ÍMAT'.
  4. Roghnaigh 'Ordú Eisiaimh ÍMAT Nua'.
  5. Roghnaigh 'Cineál ordaithe' ó na roghanna atá ar fáil.
  6. Comhlánaigh an fhoirm le sonraí an iarratasóra.
  7. Úaslódáil na doiciméid riachtanacha.
  8. Deimhnigh an dearbhú agus ansin tíolaic é.

Ar aghaidh: Céard a déarfar ar an Ordú Eisiaimh ÍMAT?