Cánachas ar íocaíochtaí ón RCS
Íocaíochtaí ón RCS is gá a dhearbhú
Tá na híocaíochtaí seo a leanas ón Roinn Coimirce Sóisialaí (RCS) incháinithe. Ní aistrítear eolas faoi na híocaíochtaí seo ón RCS chuig na Coimisinéirí Ioncaim:
- Pinsean na nDall
- Liúntas Cúramóra
- Sochar Cúramóra
- Pinsean Sochair Báis
- Liúntas Mná Céile Tréigthe
- Sochar Mná Céile Tréigthe
- Sochar Míthreorach, nuair a íoctar mar phinsean é seachas mar íocaíocht aon uaire
- agus
- Pinsean Neamh-Ranníocach do Bhaintreacha, do Bhaintreacha Fir nó do Pháirtnéirí Sibhialta Marthanacha
Má fhaigheann tú aon cheann de na híocaíochtaí seo, ní mór duit é a dheimhniú leis na Coimisinéirí Ioncaim. Mura ndéantar an t-ioncam seo a dhearbhú, féadfaidh sé go mbeidh dliteanas cánach mar thoradh air.
An chaoi le híocaíocht ón RCS a dhearbhú
ÍMAT
Chun íocaíocht incháinithe a dhearbhú:
- Sínigh isteach ar moChúrsaí.
- Faoin gcluaisín ‘Seirbhísí ÍMAT’, cliceáil ar an nasc ‘Bainistigh do cháin 2023’.
- Sa rannán ‘D’ioncam breise’, cliceáil ar ‘Cuir ioncam nua leis’.
- Cliceáil ar ‘taispeáin níos mó’ agus roghnaigh an íocaíocht cheart nó na híocaíochtaí cearta ón RCS.
I gcás gach ioncam ón RCS atá á dhearbhú agat, is gá duit an dáta a thosaigh an íocaíocht agus an tsuim sheachtainiúil reatha a dheimhniú. Chomh maith leis sin, féadfaidh tú an t-ioncam seo a dhearbhú trí M’Fhiosruithe.
Mura bhfuil tú in ann moChúrsaí a úsáid, déan teagmháil le d’oifig de chuid na gCoimisinéirí Ioncaim.
Tabhair do d’aire
Má theastaíonn uait ioncam i leith bliain roimhe a dhearbhú, is gá Tuairisceán Cánach Ioncaim a chomhlánú.
Cáiníocóirí féinfhostaithe
Má tá tú féinfhostaithe, ní mór duit sonraí aon íocaíocht incháinithe ón RCS a chur san áireamh ar do thuairisceán cánach na Foirme 11. Is gá duit an cháin dhlite a íoc agus d’íocaíocht bhliantúil Cánach Ioncaim á déanamh agat.
Bain úsáid as Seirbhís Ar Líne na gCoimisinéirí Ioncaim (ROS) chun do thuairisceán cánach a thíolacadh.
Ar aghaidh: Cén chaoi a ngearrtar cáin ar íocaíochtaí de chuid an RCS