Asbhaint Tuillimh Eachtraigh (ATE)

Cé mhéad liúntas a fhéadtar a éileamh?

Ón 1 Eanáir 2026 ar aghaidh, is é méid an liúntais atá dlite ná an suim is lú de €50,000 nó an tsuim sonraithe. Do na blianta cánach 2012 go 2025, ba é méid an liúntais a bhí dlite ná an suim is lú de €35,000 nó an tsuimsonraithe.

Ríomhtar an tsuim shonraithe trí úsáid a bhaint as an bhfoirmle (D × E) ÷ F.

  • Is ionann D agus an líon laethanta cáilitheacha a oibrítear i stát ábhartha le linn na bliana cánach nó le linn tréimhse leanúnach 12 mhí thar dhá bhliain chánach.
  • Is ionann E agus an t-ioncam uile a fhaightear ón bhfostaíocht sa bhliain chánach nó le linn tréimhse leanúnach 12 mhí thar dhá bhliain chánach. Áirítear leis seo aon ghnóthachan incháinithe a réadaítear de bhun scair-roghanna, lúide aon ranníocaíochtaí nó préimheanna pinsin cáilitheacha. Ní áirítear leis seo íocaíochtaí i leith costais incheadaithe, Sochair Chomhchineáil, agus íocaíochtaí i leith foirceanta agus cúnaint shriantacha.
  • Is ionann F agus an líon laethanta atá an fhostaíocht agat sa bhliain chánach (tá 365 lá i mbliain iomlán chánach).

Laghdaítear an tsuim shonraithe de bhun d’ioncam a tuilleadh i leith laethanta cáilitheacha a bhfuil Faoiseamh um Chánachas Dúbailte ar fáil ina leith faoi chonradh cánach.

  • Sampla 1

    Tá ort taisteal chuig stát ábhartha chun margaí nua a lorg do earraí d'fhostóra.Fágann tú Éire ar an 8 Eanáir 2026 ag 22.00 agus sroicheann tú an tír ábhartha ag 06.00 an 9 Eanáir 2026. D’oibrigh tú ansin go dtí gur imigh tú go hÉirinn ar 11 Aibreán 2026 ag 22.00. Is é do thuarastal ná €160,000.

    Caitheann tú 93 lá cáilitheach sa tír ábhartha. 23 lá in Eanáir, 28 lá i bhFeabhra, 31 lá i Márta agus 11 lá in Aibreán.

    Is é an faoiseamh atá dlite:

    (93 lá × €160,000) ÷ 365 lae = €40,767.

    Ceadaítear duit do thuarastal €160,000 a laghdú faoi €40,767 chun críocha Cánach Ioncaim, arb é an méid níos lú. Is é do thuarastal incháinithe in 2026 ná €125,000. Is é do thuarastal chun críocha an Mhuirir Shóisialaigh Uilíoch (MSU) agus Árachas Sóisialach Pá-Choibhneasa (ÁSPC) in 2026 ná €160,000.

  • Sampla 2

    Ag baint úsáide as na fíricí céanna le sampla 1, ach samhlaigh gur chaith tú an líon céanna laethanta sa stát ábhartha in 2025. Tá cead agat do thuarastal €160,000 chun críocha Cánach Ioncaim a laghdú faoi €35,000, arb é an méid níos lú. Is é do thuarastal incháinithe in 2025 ná €125,000. Is é €160,000 do thuarastal chun críocha an Mhuirir Shóisialaigh Uilíoch (MSU) agus an Árachais Shóisialaigh Pá-Choibhneasa (ÁSPC) in 2025.

Ar aghaidh: Cén chaoi a dhéantar iarratas ar ATE?

Foilsithe: 19 Bealtaine 2026 Priontáil an leathanach seo

Siar chuig leathanach baile Ar ais go barr