Baile   Creidmheasanna cánach pearsanta, faoisimh agus díolúintí   Ioncam agus fostaíocht  

Asbhaint Tuillimh Eachtraigh (ATE)

  1. Léargas ginearálta
  2. Cé a cháilítear do ATE?
  3. Cé mhéad liúntas a fhéadtar a éileamh?
  4. Cén chaoi a dhéantar iarratas ar ATE?

Cé mhéad liúntas a fhéadtar a éileamh?

Is ionann suim an liúntais atá dlite agus an ceann is lú de cheachtar €35,000 nó an tsuim shonraithe.

Ríomhtar an tsuim shonraithe trí úsáid a bhaint as an bhfoirmle (D x E) / F.

  • Is ionann D agus an líon laethanta cáilitheacha a oibrítear i stát ábhartha le linn na bliana cánach nó le linn tréimhse leanúnach 12 mhí thar dhá bhliain chánach.
  • Is ionann E agus an t-ioncam uile a fhaightear ón bhfostaíocht sa bhliain chánach nó le linn tréimhse leanúnach 12 mhí thar dhá bhliain chánach. Áirítear leis seo aon ghnóthachan incháinithe a réadaítear de bhun scair-roghanna, lúide aon ranníocaíochtaí nó préimheanna pinsin cáilitheacha. Ní áirítear leis seo íocaíochtaí i leith costais incheadaithe, Sochair Chomhchineáil, agus íocaíochtaí i leith foirceanta agus cúnaint shriantacha.
  • Is ionann F agus an líon laethanta atá an fhostaíocht agat sa bhliain chánach (tá 365 lá i mbliain iomlán chánach).

Laghdaítear an tsuim shonraithe de bhun d’ioncam a tuilleadh i leith laethanta cáilitheacha a bhfuil Faoiseamh um Chánachas Dúbailte ar fáil ina leith faoi chonradh cánach.

Léirítear i Samplaí 1 agus 2 an chaoi a ríomhtar an Asbhaint i leith Tuillimh Eachtracha.

  • Sampla 1

    Tá ar Thomás taisteal chuig an Rúis chun margaí nua a lorg d’earraí a fhostóra. Fágfaidh Tomás Éire ar an 8 Eanáir 2022 ag 22.00 agus sroicheann sé an Rúis ag 06.00 an 9 Eanáir 2022. D’oibrigh sé ansin go dtí gur imigh sé go hÉirinn ar 11 Aibreán ag 22.00. Is é a thuarastal ná €160,000.

    Caitheann Tomás 93 lá cáilitheach sa Rúis. 23 lá in Eanáir, 28 lá i bhFeabhra, 31 lá i Márta agus 11 lá in Aibreán atá i gceist leis seo.

    Is é an faoiseamh atá dlite:

    (93 lá * €160,000/ 365 lae = €40,767.

    Ceadaítear do Thomás a thuarastal €160,000 a laghdú faoi €35,000 chun críocha Cánach Ioncaim, arb é sin an méid níos lú. Is é tuarastal incháinithe Tomás in 2022 ná €125,000. Is é tuarastal Tomás chun críocha Muirear Sóisialach Uilíoch (MSU) agus Árachas Sóisialach Pá-Choibhneasa (ÁSPC) in 2022 ná €160,000.

  • Sampla 2

    Fágann Áine Éire ar an 6 Samhain 2021 ag 20.00 chun taisteal go Singeapór trí Londain. Baineann sí Singeapór amach an 7 Samhain 2021 ag 09.00 agus fanann sí ann go dtí go bhfilleann sí ar Éirinn an 4 Nollaig 2021 ag 08.00.

    Ar an 4 Feabhra 2022, fágann sí Éire ag 18.00 agus baineann sí an Mhalaeisia amach ag 03.00 an 5 Feabhra 2022.  Oibríonn sí ansin go dtí go bhfágann sí ar an 10 Feabhra 2022 chun taisteal go Gána. Baineann sí Éire amach arís ar an 20 Feabhra 2022 ag 10.00.

    Is é an tuarastal atá aici ná €170,000 in 2021 agus €180,000 in 2022.

    Tá 42 lá cáilitheach san iomlán ag Áine. Is éard atá i gceist leis seo ná 27 lá cáilitheach i Singeapór in 2021 agus 15 lá cáilitheach sa Mhalaeisia agus i nGána araon in 2022.

    Is é an faoiseamh atá dlite:

    2021

    (27 lá * €170,000)/365 lá = €12,575.

    Mar gheall gurb é €12,575 an méid níos lú, ceadaítear d’Áine a tuarastal don bhliain 2021 a laghdú chun críocha Cánach Ioncaim ó €170,000 go dtí €157,425. Is é tuarastal Áine chun críocha MSU agus ÁSPC in 2021 ná €170,000.

    2022

    (15 lá * €180,000)/365 lá = €7,397.

    Mar gheall gurb é €7,397 an méid níos lú, ceadaítear d’Áine a tuarastal don bhliain 2022 a laghdú chun críocha Canach Ioncaim anuas ó €180,000 go dtí €172,603. Is é tuarastal Áine chun críocha MSU agus ÁSPC in 2022 ná €180,000.

Ar aghaidh: Cén chaoi a dhéantar iarratas ar ATE?

Foilsithe: 22 Feabhra 2024 Priontáil an leathanach seo

Leathanach baile Ar ais go barr