Asbhaint Tuillimh Eachtraigh (ATE)

Cé a cháilíonn do ATE?

Chun cáiliú le haghaidh ATE, ní mór duit oibriú i stát ábhartha ar feadh 30 lá cáilitheach ar a laghad.

Tá ort líon na laethanta cáilitheacha a oibriú le linn bliana cánach nó le linn tréimhse leanúnach 12 mhí a chuimsíonn dhá bhliain chánach.

Ní fhéadtar ATE a éileamh i leith ioncam ó oifig nó ó fhostaíocht atá inmhuirearaithe i leith cánach ar bhonn seoltáin, nó más rud é:

• gur státseirbhíseach nó seirbhíseach poiblí thú
• go bhfuil faoiseamh taighde agus forbartha na bfostaithe tábhachtacha a fháil agat
• go ngearrtar cáin ort ag baint úsáide as rialacha cónaithe an bhonn bliana scoilte
• go bhfuil an Faoiseamh d'Oibrithe Trasteorann á fháil agat
• nó
• go bhfuil faoiseamh á fháil agat faoin gClár Faoisimh do Shannaí Speisialta

Cén tír atá mar stát ábhartha?

I measc na stát ábhartha, tá an Bhrasaíl, an India, an tSín agus an Afraic Theas agus:

Ón 01 Eanáir 2012 go 31 Nollaig 2025:

•  An Rúis.

Ó 1 Eanáir 2013:

• An Éigipt
• An Ailgéir
• An tSeineagáil
• An Tansáin
• An Chéinia
• An Nigéir
• Gána
• Poblacht Dhaonlathach an Chongó.

Ó 1 Eanáir 2015:

• An tSeapáin
• Singeapór
• Poblacht na Cóiré
• An Araib Shádach
• Aontas na nÉimíríochtaí Arabacha
• Catar
• Bairéin
• An Mhalaeisia
• An Indinéis
• Vítneam
• An Téalainn
• An tSile
• Óman
• Cuáit
• Meicsiceo.

Ó 1 Eanáir 2017:

• An Cholóim
• An Phacastáin.

Ó 1 Eanáir 2026:

• Na hOileáin Fhilipíneacha
• An Tuirc.

Céard is laethanta cáilitheacha ann?

Ó 2015 go 2025, is éard atá i gceist le lá cáilitheach ná ceann de thrí lá as a chéile ar a laghad a oibrítear i stát ábhartha. D'fhéadfaí an t-am a chaitheann tú ag taisteal a chur san áireamh laistigh de lá cáilitheach má thaistealaíonn tú:

• ó Éirinn go stát ábhartha
• ó stát ábhartha go hÉirinn
• ó stát ábhartha amháin go stát eile
• féadtar an lá teachta a chomhaireamh má thagann tú isteach go stát ábhartha an lá dár gcionn. Ar an gcaoi chéanna, is féidir an lá imeachta a chomhaireamh freisin, ar an gcoinníoll go dtagann tú isteach go stát ábhartha eile nó go hÉirinn an lá tar éis duit imeacht.

Ó 2026 go 2030, is éard is lá cáilitheach ann ná aon lá a chaitear ag obair i stát ábhartha. Tá sé seo ar an gcoinníoll go bhfuil tú i láthair sa stát ábhartha ar chúiseanna gnó a bhaineann le do chuid oibre.

Féadtar an t-am taistil a chomhaireamh fós ar an gcoinníoll go gcomhlíonann sé na riachtanais thuasluaite.

Ní féidir lá cáilitheach a chomhaireamh níos mó ná uair amháin.

Féadtar Dé Sathairn, Dé Domhnaigh agus laethanta saoire poiblí a chomhaireamh mar laethanta cáilitheacha i stát ábhartha.

Ar aghaidh: Cé mhéad liúntas a fhéadtar a éileamh?