Céard is gá a dhéanamh
Céim 6: Deimhnigh do chineál íocaíochta
Braitheann an ráta CTF a íocann tú ar an muirear CMÁ ag an mbunráta do do mhaoin.
Tréimhsí inmhuirir le haghaidh Cánach ar Thithe Folmha (CTF)
| Tréimhse inmhuirir | Dátaí |
|---|
| Tréimhse 1 |
1 Samhain 2022 go dtí an 31 Deireadh Fómhair 2023 |
| Tréimhse 2 |
1 Samhain 2023 go dtí an 31 Deireadh Fómhair 2024 |
| Tréimhse 3 |
1 Samhain 2024 go dtí an 31 Deireadh Fómhair 2025 |
| Tréimhse 4 |
1 Samhain 2025 go dtí an 31 Deireadh Fómhair 2026 |
Féadann d’Údarás Áitiúil do bhunráta CMÁ a mhéadú nó a laghdú. Tugtar an Fachtóir Coigeartaithe Áitiúil (FCA) air seo. Ríomhtar do CTF ar an mbunráta CMÁ sula ndéantar aon choigeartú chun an CFA a chur san áireamh.
Nuair a thíolacann tú do Thuairisceán CTF, iarrfar ort do chineál íocaíochta a dheimhniú.
Féadfaidh tú cibé acu seo a leanas a roghnú:
- d’íocaíochtaí a roinnt thar an mbliain ina dhiaidh trí dhochar díreach
- íoc go hiomlán trí Threoir Dochair Bhliantúil (TDB)
- nó
- íoc go hiomlán trí chárta creidmheasa nó dochair.
Má roghnaíonn tú íoc go hiomlán le TDB, ní mór duit é seo a chur in iúl do na Coimisinéirí Ioncaim faoin 1 Eanáir sa bhliain ina dhiaidh. Ní ghlacfar leis an íocaíocht go dtí an 20 Márta, áfach.
Má roghnaíonn tú íoc trí dhochar díreach míosúil, ní mór duit é seo a chur in iúl do na Coimisinéirí Ioncaim faoin 1 Eanáir sa bhliain ina dhiaidh. Bainfear d’íocaíocht CTF gach mí ón gcuntas a sholáthraíonn tú, ón 15 Eanáir go dtí an 15 Nollaig.
Dátaí dlite do gach tréimhse inmhuirir
Don chéad tréimhse inmhuirir ón 1 Samhain 2022 go dtí an 31 Deireadh Fómhair 2023, ba iad na dátaí dlite ná:
- 7 Samhain 2023 chun Tuairisceán CTF a thíolacadh
- agus
- 1 Eanáir 2024 chun CTF a íoc, seachas má roghnaigh tú íoc le dochar díreach nó dochar bliantúil.
Don dara tréimhse inmhuirir ón 1 Samhain 2023 go dtí an 31 Deireadh Fómhair 2024, ba iad seo a leanas na dátaí dlite:
- 7 Samhain 2024 chun an Tuairisceán CTF a thíolacadh
- agus
- 1 Eanáir 2025 chun CTF a íoc, ach amháin má roghnaigh tú íoc trí dhochar díreach nó trí dhochar bliantúil.
Don tríú tréimhse inmhuirir ón 1 Samhain 2024 go dtí an 31 Deireadh Fómhair 2025, is iad seo a leanas na dátaí dlite:
- 7 Samhain 2025 chun Tuairisceán CTF a thíolacadh
- agus
- 1 Eanáir 2026 chun CTF a íoc, ach amháin má roghnaíonn tú íoc trí dhochar díreach nó trí dhochar bliantúil.
Don cheathrú tréimhse inmhuirir ón 1 Samhain 2025 go dtí an 31 Deireadh Fómhair 2026, is iad seo a leanas na dátaí dlite:
- 7 Samhain 2026 chun Tuairisceán CTF a thíolacadh
- agus
- 1 Eanáir 2027 chun CTF a íoc, ach amháin má roghnaíonn tú íoc trí dhochar díreach nó trí dhochar bliantúil.