Do thuairisceán cánach a thíolacadh
Scair-roghanna
Féadfaidh sé go bhfuair tú scaireanna ar luach níos lú ná a luach margaidh faoi Scéim Neamhcheadaithe Scair-Roghanna. Má fuair, tá tú faoi dhliteanas Cáin Ioncaim a íoc ar an ngnóthachan ioncaim a tháinig aníos. Is éard is glanghnóthachan ann ná an difríocht idir an luach margaidh ar an dáta feidhmithe, agus an praghas a íocadh (más ann dó) chun na scaireanna sin a fháil.
Gnóthachain ar scair-roghanna a réadaíodh roimh an 1 Eanáir 2024
Chun do Cáin Ioncaim a íoc ar scair-roghanna a réadaíodh roimh an 1 Eanáir 2024, beidh ort do Thuairisceán Cánach Ioncaim (Foirm 11) a chomhlánú agus a thíolacadh. Ní mór duit é seo a dhéanamh faoin 31 Deireadh Fómhair sa bhliain chánach tar éis na bliana a fhaigheann tú ioncam na scaireanna.
Ní mór sonraí a bheith i do thuairisceán cánach maidir leis an ioncam uile incháinithe, lena n-áirítear gnóthachain scair-roghanna don bhliain chánach áirithe agus aon íocaíochtaí i leith:
- Cáin Scair-Rogha Iomchuí (CSRI)
- Muirear Sóisialach Uilíoch (MSU)
- agus
- Árachas Sóisialach Pá-Choibhneasa (ÁSPC).
Cuirfear aon íocaíochtaí déanta in aghaidh do dhliteanas iomlán Cánach Ioncaim, MSU agus ÁSPC don bhliain áirithe.
Tabhair do d’aire
Beidh dualgas ort Tuairisceán Cánach Ioncaim a thíolacadh faoin 31 Deireadh Fómhair 2024 má réadaigh tú gnóthachan le linn 2023.
Scair-roghanna a fheidhmiú ar an 1 Eanáir 2024 nó dá éis sin
Féadtar gnóthachan a réadú trí scair-rogha a fheidhmiú, a shannadh nó a scaoileadh. Má dhéanann tú amhlaidh ar an 1 Eanáir 2024, nó dá éis, tabharfaidh d'fhostóir cuntas ar Cháin Ioncaim, MSU agus ÁSPC tríd an bpárolla. Ní bheidh ort Tuairisceán Cánach Ioncaim a thíolacadh maidir leis an imeacht seo.
Tá tuilleadh eolais ar fáil ar an leathanach Scair-roghanna neamhcheadaithe.