Baile   Cáin Bhreisluacha (CBL)   Earraí agus seirbhísí chuig agus ón gcoigríoch  

Iompórtálacha

  1. Léargas ginearálta
  2. Cén uair a bhíonn CBL iníoctha ar iompórtáil?
  3. Cén uair nach mbíonn CBL iníoctha ar iompórtáil?
  4. Earraí incháinithe a imréiteach trí Chustaim
  5. Aerfort saor ó chustaim
  6. Cuntasaíocht iarchurtha

Cén uair a bhíonn CBL iníoctha ar iompórtáil?

Tá Cáin Bhreisluacha (CBL) inmhuirir ag pointe na hiompórtála isteach sa Stát.

Tá earraí iompórtáilte faoi dhliteanas CBL ag an ráta céanna a bhaineann le hearraí den chineál céanna a dhíoltar laistigh den Stát. Mar shampla, tá earraí atá ar díol sa Stát ag nialas-rátaithe, nialas-rátaithe ag tráth na hiompórtála.

Tá eisceachtaí ann maidir leis an riail ghinearálta seo maidir le saothair ealaíne, míreanna do bhailitheoirí agus seandachtaí áirithe. Féadtar teacht ar liosta iomlán de na hearraí seo i Sceideal 5 den Acht Comhdhlúite CBL, 2010.

Tá CBL agus Dleacht Chustaim iníoctha ag an bpointe iompórtála. I gcleachtas, áfach, bíonn cuntas íocaíochtaí iarchurtha ag formhór na dtrádálaithe. I gcásanna den chineál sin, ní dhéantar an suim atá dlite a dhochar ó chuntas UCT trádálaithe go dtí an 15ú den mhí tar éis iompórtáil.

Féadfaidh trádálaithe atá cláraithe le haghaidh CBL a iompórtálann earraí socraíochtaí cuntasaíochta iarchurtha a úsáid. Cuireann sé seo ar chumas trádálaithe atá cláraithe le haghaidh CBL cuntas a thabhairt i leith CBL ar iompórtálacha ar a dTuairisceán VAT3. Féach an leathanach ar 'Cuntasaíocht iarchurtha' sa rannán seo le haghaidh tuilleadh eolais.

Cén chaoi a ríomhtar an dliteanas CBL ar earraí iompórtáilte?

An luach ar na hearraí iompórtáilte chun críche CBL ná a luach chun críche Custam méadaithe le:

  • méid na Dleachta Custam, na Dleachta Frithdhumpála agus na Dleachta Máil (gan CBL san áireamh) iníoctha i leith a n-iompórtála
  • aon chostais iompair, láimhseála agus árachais idir áit a dteacht isteach san Aontas Eorpach (AE) agus an Stát
  • costais iompair ar aghaidh chuig an cheann scríbe deiridh, más eol é, ag am na hiompórtála.

Creidmheas ionchuir i do thuairisceán CBL le haghaidh CBL ar earraí iompórtáilte

Bíonn trádálaí atá cláraithe le CBL i dteideal creidmheas a ghlacadh as CBL a íocadh i leith earraí a iompórtáladh chun críocha an ghnó. Ní mór an creidmheas seo a éileamh i do thuairisceán sa tréimhse incháinithe bhainteach, faoi réir na ngnáthshrianta.

  • Sampla

    Is trádálaí cláraithe thú atá incháilithe le haghaidh na háise iarchurtha íocaíochtaí, agus déanann tú earraí a iompórtáil i mí Eanáir agus Feabhra.

    Bainfear ar 15 Feabhra an CBL iompórtála dlite ar iompórtálacha mhí Eanáir. Bainfear ar 15 Márta an CBL iompórtála dlite ar iompórtálacha mhí Feabhra.

    Féadtar CBL a aiséileamh sa tuairisceán dé-mhíosúil CBL do mhí Eanáir agus Feabhra atá dlite lena thíolacadh faoin 19 Márta.

    Ní mór duit fianaise a choinneáil ar an CBL Iompórtála uile a íoctar, amhail an dearbhú Custam, ráiteas míosúil an CIU nó an duillín um imréiteach Custam.

Ar aghaidh: Cén uair nach mbíonn CBL iníoctha ar iompórtáil?

Foilsithe: 06 Feabhra 2024 Priontáil an leathanach seo

Leathanach baile Ar ais go barr