Soláthairtí laistigh den Chomhphobal (ICS)
Cruthú gur iompraíodh earraí gan toimhde iompair a chur i bhfeidhm
Sa chás nach bhfuil na doiciméid riachtanacha ag an soláthraí chun an toimhde iompair a fheidhmiú, ní chiallaíonn sé seo nach bhféadtar an ráta nialasach a chur i bhfeidhm. D'fhéadfadh feidhm a bheith ag an ráta nialasach fós má chuirtear fianaise shásúil ar sheoladh agus iompar ar fáil do na Coimisinéirí Ioncaim. Braitheann an cruthúnas riachtanach ar cé acu duine a d’eagraigh an t-iompar.
Iompar eagraithe ag an gcustaiméir
I gcás iompar na n-earraí chuig an gcustaiméir a bheith eagraithe ag an soláthraí, ba chóir don soláthraí na doiciméid tráchtála a bhaineann leis an soláthar agus leis an iompar a choinneáil.
I measc na samplaí de dhoiciméid, tá:
- cáipéis ordaithe
- duillín seachadta
- sonrasc soláthraí
- cáipéis iompair, mar shampla bille luchta
- fianaise ar aistriú airgid ó bhainc eachtracha le haghaidh íocaíochta.
Iompar eagraithe ag an gcustaiméir
Féadann an custaiméir gnó iompar na n-earraí a eagrú nó na hearraí a thabhairt leo ina modh iompair féin. Sna cúinsí seo, ní mór don soláthraí a bheith sásta gur iompraíodh nó gur seoladh na n-earraí chuig Ballstát eile de chuid an Aontais Eorpaigh (AE).
Ba chóir don soláthraí fianaise dhoiciméadach a fháil ón gcustaiméir agus é a choinneáil. Úsáidtear na doiciméid seo mar fhianaise go bhfuarthas na hearraí sa Bhallstát eile. I gcásanna den chineál sin, féadfaidh an méid seo a bheith i gceist leis an bhfianaise dhoiciméadach:
- cóipeanna d’admhálacha trádstórais
- nó
- duillíní seachadta.
Ba chóir sonraí a choinneáil faoi na modhanna iompair a d’úsáid an custaiméir chun na hearraí a iompar, amhail:
- an uimhir cláraithe feithicle
- an uimhir eitilte
- agus
- sonraí seolta an bháid.
Ar aghaidh: Fadhbanna ar chóir do sholáthraithe a bheith airdeallach faoi